Dreska Gábor: A pannonhalmi konvent hiteleshelyi működésének oklevéltára II. (1399-1438) - A Győri Egyházmegye Levéltár kiadványai. Források, feldolgozások 8. (Győr, 2008)

Oklevelek

5

10

15

20

25

30

35

40

1415

Oklevelek

91

vigore aliarum litterarum nostrarum donacionalium superinde confectarum1 nove nostre donacionis titulo in perpetuum datarum et collatarum legittime vellent introire. Super quo fidelitati vestre firmiter precipiendo mandamus, quatenus vestrum mittatis hominem pro testimonio fidedignum, quo presente Iohannes filius Irinei de Leel aut Iohannes filius Iwachon de Ekly sin Laurencius seu Iohannes filii Georgii de Olcha sive Georgius filius Petri de Ronka neve Ladislaus filius Petri de Aranyas ceu Stephanus dictus Beiger de Zenthpal aliis absentibus homo noster ad facies predictarum possessionum ac piscinarum seu piscaturarum et portus navigii aliarumque pertinendarum possessionum earundem vicinis et commetaneis ipsarum universis inibi legittime convocatis et presentibus accedendo introducat prefatos Ambrosium et Ieronimum in dominium earundem statuatque easdem ipsis premisse nove nostre donacionis titulo perpetuo possidendas, si non fuerit contradictum, contradictores vero, si qui fuerint, evocet eosdem contra memoratos Ambrosium et Ieronimum nostram in presenciam ad terminum competentem racionem contradictionis eorum reddituros. Et post hec huiusmodi possessionarie introductionis et statucionis seriem cum nominibus contradictorum et evocatorum, si qui fuerint, terminoque assignato nobis fideliter rescribatis. Presentes autem sigillo nostro maiori, quo ut rex Hungarie utimur, fecimus consignari. Datum Strigonii, die dominico proximo ante festum Beati Luce ewangeliste, anno Domini millesimo quadringentesimo quintodecimo, regnorum autem nostrorum anno Hungarie etc. vigesimo nono, Romanorum vero sexto.

Nos enim mandatis ipsius domini nostri regis in omnibus obedire cupientes, ut tenemur, una cum prefato Georgio filio Petri de Ronka homine regio prescripto nostrum hominem, videlicet virum discretum, dominum Lucam presbiterum ad premissa mandata ipsius domini nostri regis fideliter exequenda nostro pro testimonio fidedignum duximus transmittendum, qui tandem ad nos exinde reversi nobis concorditer retulerunt, quod prefatus homo regius presente dicto nostro testimonio ad facies predictarum possessionum ac piscinarum seu piscaturarum et portus navigii aliarumque pertinendarum earundem possessionum in comitatu Komaroniensi existencium sabbato proximo post festum Beati Luce ewangeliste proxime preterito vicinis et commetaneis earundem universis illic prius iuxta regni consuetudinem legittime convocatis et presentibus accedendo memoratos Ambrosium et Ieronimum in dominium earundem introduxisset statuissetque easdem cum premissis earundem utilitatibus premisse nove regie maiestatis donacionis titulo perpetuo possidendas nemine inibi contradictore apparente, tribus eciam diebus in faciebus earundem iuxta regni ritum et consuetudinem moram faciendo. In cuius rei memoriam firmitatemque perpetuam presentes litteras nostras privilegiales pendentis et autentici sigilli nostri munimine roboratas eisdem duximus concedendas. Datum duodecimo die diei statucionis premisse, anno Domini supradicto.

1 Zsigmond királynak 1415. június 28-án kelt adomány levele: DL 43288 (MNM Törzsanyag — Wégh-gyűjt.) — Regesztája: ZsO V. 790., amit Zsigmond király az 1424. február 10-én kelt oklevelében [DL 10362 (NRA 273 7)] írt át.

19-20 die dominico... ] 1415. okt. 13. 22 regis ] Utána még egyszer kiírva: regis. 30-31 sabbato. .. ] 1415. okt. 19. 39 duodecimo die... ] 1415. okt. 30.

■