Dreska Gábor: A pannonhalmi konvent hiteleshelyi működésének oklevéltára I. (1244-1398) - A Győri Egyházmegye Levéltár kiadványai. Források, feldolgozások 6. (Győr, 2007)
Oklevelek
5 10 15 20 25 30 35 40 1331 Oklevelek 39 27. 1331. június 4. — A pannonhalmi konvent a győri káptalan kérésére átírja IV. Béla király 1255-ös oklevelét. Átírás a fehérvári káptalan 1418. február 8-án kelt privilegiálisában [VÉL, Veszprémi ppk. It.: Miscellanea 45 (DF 200411) — Regesztája: ZsO VI. 1477.]. Conventus monasterii Sancti Martini de Sacro Monte Pannonie omnibus Christi fidelibus, presentibus pariter et futuris presentes litteras inspecturis salutem in Domino sempiternam. Ad universorum noticiam harum serie volumus pervenire, quod venerabiles viri, capitulum videlicet ecclesie Iauriensis transmissis ad nos discretis viris, magistris Francisco Iauriensi et Nicolao Kamaroniensi archydiaconis fecerint nobis quasdam litteras privilegiales domini quondam Bele regis felicis recordacionis super composicione ac ordinacione inter ipsos et sacerdotes tocius dyocesis ecclesie Iauriensis facta exhiberi petens, ut tenorem earundem litterarum ob maiorem cautelam et perpetue firmitatis stabilitatem nostris litteris privilegialibus inseri faceremus, quarum quidem litterarum tenor talis est: Nos Bela Dei gracia rex Ungarie et dux Styrie significamus universis presencium per tenorem, quod cum inter archidiaconos et canonicos Geurienses ab una parte, et sacerdotes eiusdem Geuriensis (ecclesie) ex altera questionis materia super congrua porcione sacerdotum et quibusdam aliis fuisset suborta et ipsa causa diucius protelata, tandem placuit ipsis archidiaconis et canonicis ac sacerdotibus nostram super hiis ordinacionem acceptare, partibus itaque coram nobis presencialiter constitutis habito prelatorum, principum et consiliariorum nostrorum tractatu diligenti et consilio ac assensu venerabilis patris O(modei) episcopi Geuriensis taliter ordinavimus inter partes ipsis acceptantibus et approbantibus, quod quarta quarte partis omnium decimarum ad sacerdotes pertineat, tres vero partes ad rectores seu magistros canonicos, videlicet ecclesie cathedralis, oblaciones aut et obvenciones ac mortuaria et cetera minuta libere et integraliter ipsi sacerdotes percipiant exceptis proventibus et obvencionibus unius festi in anno, illius videlicet festi, in cuius honore ecclesia est consecrata, quas magistri percipiant, non tamen per submissam personam laycalem, sed per se, si voluerint, vel per suum sacerdotem aut clericum. Ad hec archidiaconi, cum suam visitant parochiam, sex equitaturis sint contenti et procuracionem semel in anno recipiant et medietatem eius, quod pro archidiaconatu recipere consueverunt, tam de matrice ecclesia, quam de capella recipiant et non ultra. Ab eo, a quo procurantur, scilicet de matrice ecclesia dimidium fertonem et de capella tria pondera, ab eo autem, a quo procuracionem non recipiunt, cathedraticum suum integre percipiant secundum quantitatem pretactam. Item sacerdotes mota questione a suis remoti ecclesiis restituantur ad suas ecclesias et beneficia prius obtenta, dampna eciam hincinde illata decrevimus mutuo remittenda. Ad hec, ut predicta omnia firmius observentur, placuit partibus et nos assumpsimus pro bono pacis, ut partem observantem prescriptam ordinacionem conservemus in suo iure contra alteram observare non volentem. Adicimus eciam, quod partes spontanee ac ultronea voluntate renunciaverunt omnibus litteris et instrumentis sive a sede apostolica vel undecunque
