Novák Ádám (szerk.): Fontes Memoriae Hungariae IV. Varsóban őrzött magyar vonatkozású oklevelek, 1490–1521 (Debrecen, 2022)
Oklevélszövegek
225 voluerunt, unde placuit id defieri cognitioni et diffinicioni serenissimi domini Wladislai regis et dominorum consiliariorum regni Hungariae. Item de Petro qui se dicit Wayvodam terrae Moldaviensis et aliis qui de terra Moldaviensi fugierunt in regnum Poloniae, si ibi servari debeant nec ne, id etiam placuit relinqui cognitioni et decisioni regiae maiestatis, et dominorum consiliariorum regni Hungariae. Item conclusum est, quod captivi qui in proeliis et custodiis ubicumque et quibuscumque in locis sunt capti nobiles, ignobiles, coloni et pauperes homines utrinque restituantur. Item quod dominos cives colonos et pauperes homines cuiuscumque nationis et linguae, qui de Rohatin sunt abducti, omnes dominus Bogdanus wayvoda liberos dimittat cum omnibus eorum rebus et facultatibus, quas secum habebunt. Item quod omnes homines recepti de terris Regni Poloniae, et de illa parte terrae litigiosae, pro qua est controversia regiae maiestati Poloniae cum domino Bogdano wayvoda, idem dominus Bogdanus wayvoda liberos dimittat a maximo usque ad minimum cum rebus omnibus quas habuerint. Item conclusum est quod similiter, serenissimus princeps dominus Sigismundus rex Poloniae, omnes homines de terra Moldaviensi in Poloniam seu in Lythvaniam abductos, cuiuscumque sint nationis et linguae, liberos dimittat a maximo ad minimum cum omnibus rebus quas apud se habebunt. Item damna per ignem et predas facta, quaevis utraque ex parte fuerint magna et multa, placuit tamen illa utrinque compensari, ita ut eadem damna una pars non repetat ab altera. Item de terra de qua est differenda inter Regiam Maiestatem Poloniae et dominum Bogdanum wayvodam Moldaviensem ita ut antea quoque conventum erat, placuit defieri cognitioni et diffinitioni Regiae maiestatis et dominorum consiliariorum regni Hungariae, ita videlicet ut eadem maiestas statuat partibus terminum, suosque oratores et consiliarios mittat quotquot voluerit, regia etiam maiestas Poloniae mittat pro eodem termino, quatuor consiliarios suos, et dominus Bogdanus wayvoda quatuor consiliarios et boyaros suos, iidemque oratores et consiliarii regni Hungariae revisuri sunt et cognituri de differenda eiusdem terrae, ita ut fuit ab antiquo penes reges Poloniae et wayvodas ac dominos terrae Moldaviensis. Et si aliqua praesentium predictarum in termino statuto non comparuerit, perdere debeat causam suam, nisi quod absit accidat, alicui regum et dominorum predictorum aliqua gravis ac notabilis iniuria et impedimentum vel vis hostilis aut aliquis grandis casus. Item damna in hominibus et pecoribus post treugas quas fecerunt domini oratores Hungariae, inter regiam maiestatem Poloniae et Bogdanum wayvodam Moldaviensem, tam per subditos eiusdem regiae maiestatis Poloniae, quam per servitores et subditos Bogdani wayvode facta, quaecumque iuste et sufficienter
