Novák Ádám (szerk.): Fontes Memoriae Hungariae IV. Varsóban őrzött magyar vonatkozású oklevelek, 1490–1521 (Debrecen, 2022)
Oklevélszövegek
195 85. 1499. május 15. Buda. Magyar főpapok és bárók jóváhagyják a II. Ulászló magyar és János Albert lengyel király között létrejött, elsősorban a törökök elleni küzdelmet érintő kölcsönös segítségnyújtási egyezséget. Nos Thomas archiepiscopus Strigoniensis primas regni Hungariae et legatus natus, summusque et secretarius cancellarius regius, Dominicus Waradiensis personalis praesentiae regiae maiestatis locumtenens, Franciscus Iauriensis, Lucas Chanadiensis Nicolaus de Bathor Waciensis, Anthonius Nittriensis ecclesiarum episcopi, Gregorius comes de Frangapanibus, praepositus Albensis, Sigismundus praepositus de Lelez regius thesaurarius, Bartholomeus prior Aurane. Item Stephanus de Zapolya comes perpetuus terrae Scepusiensis ac regni Hungariae palatinus, comes Petrus Gereb de Wyngarth iudex curiae regiae, Laurentius dux de Wylak, Nicolaus Banffy de Lyndwa magister curiae regiae, Bartholomeus Dragffy de Belthewk alias waywoda Transilvanus, Iosa de Som comes Themesiensis et partium inferiorum regni Hungariae capitaneus Blasius de Raska thavernicorum, Iohannes Ernusth de Chaktornya agazonum regalium magistri, Iohannes despotus Rasciae, Georgius de Bathor comes Zatmariensis, Nicolaus de Zeech, Mathias Pongracz de Dengeleg, Ladislaus et Georgius de Kanysa, Anthonius de Palocz, Sigismundus Orzag de Gwth, Albertus de Lossoncz, Gabriel de Peren, Stephanus de Rozgon, Iohannes de Homonna, Joannes Banphy de Lyndwa, Michael de Chaak, Joannes Pethewfy de Gerse, Moises Buzlay de Gergelaka, Andreas Both de Bayna, Georgius More de Chwla capitaneus Nandoralbensis, Emericus et Martinus Czobor de Czoborzenthmyhal, et Marcus Horwath de Kamychacz ceterique praelati et barones ac proceres regni Hungariae nunc apud maiestatem regiam constituti significamus tenore praesentium quibus expedit universis, praesentibus et futuris praesentem notitiam habituris. Quod dum serenissimus princeps et dominus, dominus Wladislaus Dei gratia Hungariae et Bohemiae rex etc. dominus noster gratiosissimus, habita ratione fraterni et debiti amoris habitoque respectu commodi, decoris, amplitudinis et integritatis regnorum suorum, universaeque christianitatis, cum serenissimo principe et domino, domino Iohanne Alberto eadem gratia Poloniae rege etc. fratre suo charissimo ad laudem omnipotentis Dei, decorem et amplitudinem domus et familiae suae per medium oratorum utriusque partis, puta ex parte ipsius serenissimi domini regis Poloniae medio spectabilis et magnifici domini Petri Kmytha de Wysnycze supremi marsalci regni sui Poloniae, a parte vero eiusdem serenissimi et gratiosissimi domini nostri regis praefati, videlicet reverendissimi domini Dominici episcopi dictae ecclesiae Waradiensis, generosique
