Novák Ádám (szerk.): Fontes Memoriae Hungariae IV. Varsóban őrzött magyar vonatkozású oklevelek, 1490–1521 (Debrecen, 2022)
Oklevélszövegek
175 Item conventum et conclusum est, quod si quando serenissimi principes domini Kasimirus Poloniae, aut Wladislaus Hungariae et Bohemiae reges vel etiam illustrissimus dominus Iohannes Albertus dux, etc. sive per viam et modum amicabilis et fraternae compositionis et concordiae, sive alia quacumque ex causa litteras inscriptionales et obligatoriales dominorum praelatorum et baronum ceterorumque regnicolarum Hungariae, superioribus annis super ipso regno Hungariae maiestati imperiali et serenissimo Romanorum regi, eius filio, datas cum confirmationalibus, quondam pii pontificis subsecutis, vel causa pacis de novo etiam dandas, post pacem confectam a manibus earundem maiestatum communi favore, consilio et intelligentia recuperare poterunt, consentire debeant domini praelati et barones ceterique incolae eiusdem regni Hungariae, quod post obitum praefati serenissimi domini regis Wladislai, domini eorum, si et inquantum absque legittimo herede suam maiestatem decedere contingeret, praefatus illustrissimus dominus Iohannes Albertus dux in eorum regem ac dominum eligatur, et ad hoc se in aliqua generali congregatione regnicolarum obligare teneantur, prout ex nunc praesentes praelati, barones et proceres ceterique nobiles, ipsorum et reliquorum fratrum suorum absentium personis in huiusmodi casu consenserunt. Hoc adiecto, quod si eos novas inscriptiones praefatae caesareae maiestati vel serenissimo domino Romanorum regi super ipso regno Hungariae facere non continget, sed alia via pacem cum eisdem maiestatibus facere poterunt, nichilominus tamen prius recuperatis ut supra prioribus inscriptionibus, hoc idem ipsi praelati et barones ceterique incolae regni Hungariae facere teneantur. Item: quod omnes captivi, cuiuscumque status et condicionis, et quibuscumque in locis hoc tempore guerrarum detenti existunt, absque omni penitus pactatione ab utraque parte liberi dimittantur. Quodque litterae omnes, si quibus se ad aliquid captivi huiusmodi obligassent; similiter ab utraque parte reddantur, et si forte per quoscumque retinerentur, et non redderentur, cassae et nullius prorsus vigoris censeantur. Item conclusum est, quod omnibus illis, tam scilicet baronibus, nobilibus et militaribus, civitatensibus, quam aliis universis, cuiuscumque status et conditionis censeantur, qui post obitum serenissimi quondam domini Mathiae regis etc. felicis recordationis, illustrissimo principi domino Iohanni Alberto duci, a tempore illo, quo dominatio sua illustris pro rege proclamata extiterat, in hunc usque diem adhaeserunt, serenissimus dominus Wladislaus rex etc. tam personis, quam etiam castris, fortalitiis, civitatibus, oppidis, possessionibus ceterisque omnibus bonis eorum, simul cum omnibus dominis praelatis et baronibus ac universo regno suo Hungariae gratiam facere dignetur; et si forte bona ipsorum per suam maiestatem, quibuscumque essent collata, remittat et remitti faciat, atque eosdem in suam protectionem suscipiat, et praemissae adhaesionis occasione ab omni impedimento defendat et defen-
