Novák Ádám (szerk.): Fontes Memoriae Hungariae IV. Varsóban őrzött magyar vonatkozású oklevelek, 1490–1521 (Debrecen, 2022)
Oklevélszövegek
170 sumque providere et conservare debite pro suo statu et conditione, cum honestate sua et vitae bona fruitione. Et item de omagiis, quaecumque facient et habebunt nostrae gentes ex suis castris, quartam partem semper levare debet et habere, nostra praesenti adversitate et belli gverra durante. Nos autem, tanquam huius regni Hungariae etc. verus et generalis electus, praedictum Stephanum Rozgony cum omnibus rebus suis praescriptis taliter se nobis offerentem et subicientem harum serie recipimus et suscipimus in nostram omnimodam tutelam et protectionem, in quantum nobiscum constanter et fideliter videbitur stare ac integraliter adherere; promittentes sibi in verbo nostro ducali et fide christiana, eum cum suis bonis et castris ab hostibus omnibus et iniuriis universis manu tueri et defensare indesinenter tota nostra virtute et possibilitate usque ad debitam pacem et quietem modernarum adversitatum ipsumque serenissimo domino Poloniae etc. regi nostro genitori carissimo ita promovere et ad hoc cooperari apud suam serenitatem, pro omni sua integritate et indemnitate semper se offerentibus et necessitate adveniente, ut possit indemnis remanere. Et si aliquam concordiam honestam, de qua nec cogitamus, cum nostro fratre dilecto serenissimo domino Wladislao Bohemie rege aut praelatis et baronibus huius regni facere vel habere deberemus, extunc memoratum dominum Stephanum in nullo tractatu aut concordia huiusmodi actionum nostrarum debemus aliquatenus dimittere, sed eum semper in omnibus talibus rebus nostris tanquam verum consiliarium nostrum et subditum huius regni assummere. Datum in campo iuxta villam Nemethy, feria quinta post festum beati Mathei apostoli et evangelistae, anno Domini MCCCCLXXXX o. Manu propria I. d. principis electi. Jelzete: AGADW, Dok. Perg. 5589. MH: 11609–610. MNL OL DF: 289 010. Közli: Mon. Pol. XIV. 369–371. o. Regeszta: Óváry I. 619. sz. (Velencei jelentés alapján?) Pergamenen, melynek mérete kb. 38,5 x 23 cm. A kiadó neve díszített betűkkel. A hártya több helyen hasadt, függőpecsétje elveszett. (N. Á.)
