Novák Ádám (szerk.): Fontes Memoriae Hungariae III. Varsóban őrzött magyar vonatkozású oklevelek, 1439–1489. Közreadja: Novák Ádám, Tóth Orsolya és Tóth Péter (Debrecen, 2019)
Oklevélszövegek - 135
135 66. 1473. április 14. Nysa. Márk kardinális, pápai követ, aquileai pátriárka oklevele a Mátyás magyar király és Kázmér lengyel király közötti békeközvetítésről. Marcus miseratione divina sacrosanctae Romanae ecclesiae tituli S. Marci presbiter cardinalis, patriarcha Aquilegiensis et Apostolicae Sedis legatus, ad notitiam quibus expedit universorum, et praesertim serenissimorum principum domini Mathiae Dei gratia Ungariae regis etc. et domini Kazimiri eadem gratia Poloniae regis etc. ac illustrissimorum dominorum Vladislai primo et Kazimiri secundo genitorum ipsius. Magnarum rerum gerendarum tractatus et aliorum securitatem quietemque et temporis maturitatem exposcere nemo est qui dubitet. Proinde cum terminus indicti a nobis conventus fuerit, prout optime nostis, dilatus, nec fuerint proportionabiliter induciae, similiter a nobis inter serenitates vestras, subditos, vasallos et regna vestra indictae, prorogatae, contigit, quod cum plures dies in multis et variis tractatibus componendae inter vos regnaque vestra concordiae cum oratoribus vestris elapsi essent, et pro rerum magnitudine adhuc nil certi conclusum esset, videreturque dies expirandarum induciarum non procul esse, haec armorum suspensio tam sancto pacis et concordiae operi, de quo agebatur, plurimum obfuisset, nisi celeri et opportuno ei remedio occurrissemus, animadvertentes enim tam sanctos tractatus hac incertitudine temporis impediri, et animo volventes incendia, strages et huius generis calamitates, quae non solum his tribus regnis inclitis ad quae pacificanda sanctae Sedis Apostolicae, licet immeriti, legatione fungimur, verum etiam universae reipublicae Christianae formidandae sunt, si quod Deus avertat, ab hoc conventu re infecta discederetur, ad quod iam utraque pars disposita et parata videbatur, ut liberioribus animis et quietioribus oratores vestri huic divino negotio, quod prae manibus est, nobiscum, adiuvante Domino, incumbere possent, et tot tantisque malis formidatis obsistere, treugas et pacis inducias, quas, ut praefertur, inter vos praefatos serenissimos reges et illustrissimos dominos regnaque vestra, vasallos et subditos vestros auctoritate apostolica nobis in hac praeconcessa et commissa, indiximus et instituimus usque ad Kalendas Maii proxime venturas, eadem auctoritate usque ad festum Ascensionis Domini nostri Iesu Christi proxime venturum, clausula suspensionis, depactationis Victorini, quae non amplius in rerum natura esse dicitur dumtaxat excepta. Super qua ad ministrandum in hoc conventu iustitiae complementum utrique parti nos obtulimus, et offerimus cum omnibus aliis et singulis articulis, clausulis, conditionibus et punctis, prout in primis litteris nostris inducialibus et secundis declaratoriis desuper confectis plenius continetur, praesentibus oratoribus vestris et aliis venerabilibus viris et legalibus notariis ad hoc specialiter vocatis, sub eisdem obtestationibus, censuris
