Novák Ádám (szerk.): Fontes Memoriae Hungariae III. Varsóban őrzött magyar vonatkozású oklevelek, 1439–1489. Közreadja: Novák Ádám, Tóth Orsolya és Tóth Péter (Debrecen, 2019)
Oklevélszövegek - 115
115 60. 1440. március 12. Buda. Magyar főurak, főpapok, előkelők, és nemesek oklevele III. Ulászló lengyel királyhoz, amelyben tudósítják, hogy követségbe küldték hozzá teljes felhatalmazással Rozgonyi Simon veszprémi püspököt, Újlaki Miklós macsói bánt, Pelsőci Bebek Imre székelyispánt és Hédervári Lőrinc fia Istvánt, hogy megsürgessék mielőbbi Magyarországra érkezését. Serenissimo principi et domino, domino Wladislao Dei gratia regi Poloniae, Lithvaniaeque principi supremo et haeredi Rusciae, domino ipsorum gratiosissimo praelati et barones ac proceres regni Hungariae, videlicet reverendus in Christo pater dominus Benedictus episcopus ecclesiae Jauriensis, Ladislaus de Hedervara, abbas Sancti Martini Sacrimontis Pannoniae, item Laurentius de eadem Hedervara regni Hungariae praedicti palatinus, Stephanus et Georgius de Rozgon, comites Posonienses, Ladislaus filius condam Johannis de Maroth bani, Symon de Palocz alias magister agazonum regiae maiestatis, Johannes de Peren alias comes Maramarosiensis, Stephanus de Homonna, Ladislaus filius condam Petri Cheh de Leva waywodae, ac alter Ladislaus de Zechen, Rubertus de Tar magister agazonum reginalis maiestatis, Franko de Dombo, Petew de Gerse et Mathias de Hatwan, ipsius vestrae serenitatis humiles servitores et omnino fideles, quod admodum antecedenter per alias litteras atque fratres nostros, transmissionem certorum fratrum nostrorum, praelatorum videlicet et baronum huius regni ad eandem vestram serenitatem et pro eiusdem serenitatem vocatione et conductione in ipsum regnum per nos et alios fratres nostros factam eidem serenitati notificavimus, ita iam praesentium sub confidentia et assecuratione venient ad eandem vestram serenitatem iidem fratres nostri illinc missi, fideles videlicet eiusdem vestrae serenitatis servitores et devoti, videlicet reverendus in Christo pater dominus Symon episcopus Wesprimiensis ad Agriensem ecclesiam postulatus, Nicolaus de Wylak banus Machoviensis, Emericus de Pelseulcz Siculorum comes et Stephanus filius praenotati domini Laurentii palatini, exposituri plenissimas nostras voluntates et affectiones, quas de serenitate vestra concepimus et conclusimus, quarumque principiatione de praetactis nostris fratribus et litteris ad eandem vestram serenitatem antecedenter missis vestra serenitas potuit sano colligere intellectu, quos quidem fratres nostros cum plena potestate omnium nostrorum et ceterorum fratrum nostrorum ac universorum procerum ac nobilium regnicolarum ipsius regni mittimus ad eandem vestram serenitatem. Ad ipsorum itaque fratrum nostrorum atque omnium nostrum et aliorum, de quibus supra fit mentio, devotam et attentam supplicationem, imo potius plenimodam assecurationem et ratificationem vocationis nostrae et omnium praedictorum dignetur vestra serenitas pro gubernatione huius regni
