Novák Ádám (szerk.): Fontes Memoriae Hungariae II. Varsóban őrzött magyar vonatkozású oklevelek, 1388–1427. Közreadja: Novák Ádám és Tóth Péter (Debrecen, 2018)
Oklevélszövegek
102 53. 1425. február 6. Vasvár. Zsigmond magyar király levele Ulászló lengyel királyhoz, amelyben kifejezi örömét afölött, hogy Ulászlónak fia született, s mivel akadályoztatása miatt személyesen nem tud részt venni a keresztelőn, elküldi maga helyett Kelemen győri püspököt azzal a felhatalmazással, hogy lássa el helyette a keresztapai kötelességeket. Sigismundus Dei gratia Romanorum rex semper augustus ac Hungariae, Boemiae, Dalmatiae, Croatiae, etc. rex serenissimo principi domino Wladislao regi Poloniae, etc. fratri nostro carissimo salutem et fraterni amoris continuum incrementum. Serenissime princeps, frater carissime. Magnae exultationis perfusi laetitia de genite vobis sexus masculini prole bonae indolis et membrorum elegantia decenter suffulti et ad hanc lucem producti. Et ad renationes baptismalis fidei christianae auspice Domino proxime feliciter recreandi vestris praecibus ad compaternitatis officium invitati libentissime vestris annuissemus votis, ymmo nos affectione voluntaria ultroneos obtulissemus, nisi nobis arduorum agitabilium negotiorum qualitas obstitisset. Ideoque ne tantae petitionis vestrae videamur ingrati, mittimus ad serenitatem vestram venerabilem Clementem episcopum Jauriensem, consiliarium nostrum devotum, dilectum, cui non per errorem aut improvide, sed animo deliberato et de certa nostra scientia tenore praesentium damus et concedimus auctoritatem et plenariam facultatem nostro nomine praefatum filium vestrum de fonte baptismatis tollendi et levandi, sibique nomen fidelis christicolae iuxta formam et ritum ecclesiae imponendi ac nos ad compaternitatis debitum obligandi et restringendi, ad quod obligati esse volumus ac si ipsum filium vestrum circa huiusmodi baptisma nostris propriis digitis tetigissemus et personaliter levassemus, volumusque in omni compaternitatis vinculo esse realiter obligati, ac si omnia circa praemissa necessaria personaliter per nos fuissent impleta. Ratum et gratum habentes et habere volentes quidquid per praedictum Clementem circa praemissa acta, facta, gesta fuerint et impleta, praesentium sub nostrae maiestatis sigilli testimonio litterarum. Datum in Ferrea Civitate Jauriensis dyocesis, anno Domini millesimo quadringentesimo vigesimo quinto, in die Sanctae Dorotheae virginis, regnorum nostrorum Hungariae, etc. tricesimo octavo, Romanorum quinto decimo, Boemiae vero quinto. Ad mandatum domini regis Franciscus praepositus Strigoniensis Jelzete: AGADW, Dok. Perg. 5564. MH: 11311–12. MNL OL DF: 288 976.
