Novák Ádám (szerk.): Fontes Memoriae Hungariae II. Varsóban őrzött magyar vonatkozású oklevelek, 1388–1427. Közreadja: Novák Ádám és Tóth Péter (Debrecen, 2018)
Oklevélszövegek
98 Nos et eos dissensiones, odia, dampna et iniuriae huiusmodi contigissent, ipsosque vera, perfecta, christianica et indubitata caritate complecti, iuxta litteras et inscriptiones, inter nos in Liblio editas et sub fidei puritate et iuramento firmatas. Insuper promittimus pro nobis, heredibus et successoribus nostris, ac sub fide et honore nostris purissimis pollicemur, pro nobis, terris et subditis nostrorum regnorum, nostris et ipsorum nominibus, universas et singulas litteras, inscriptiones, privilegia contractus, pactiones et munimenta omnia inter nos et dictum Wladislaum regem et Allexandrum ducem, fratres nostros carissimos, et eorum subditos inita, concepta, edita facta et finita, sub quacumque forma verborum seu tenore, quocumque tempore et in quibuscumque locis et praesertim litteras praedictas in Liblio iuramento firmatas, quas hic habere volumus pro insertis, servabimus, nec ratione et occasione huiusmodi odiorum, displicentiarum, iniuriarum, dampnorum, laesionum et perturbationum inter nos et dictos fratres nostros, forte suadente seminatore zizaniae suscitatas, ullam instantiam, laesionem, dampnum, praeiudicium et iacturam, quomodolibet faciemus. Sed semper huiusmodi concepta fraternitatis pacta foedera et caritatis vinculum, in solida, perfecta, continua et firmitate perpetua, in eo statu et vigore, in quibus a primaevis eorum exordiis fuerant, debebunt inviolabiliter remanere, et iugiter priorem effectum et efficaciam obtinere. Easdem litteras, privilegia et contractus praefatos, innovantes, ratificantes, gratificantes, roborantes, et de certa nostra scientia confirmantes. Et nos Georgius episcopus Pataviensis, almae Strigoniensis ecclesiae administrator, aulae Romanae regiae cancellarius, ?omas Agriensis, et Petrus Corbaviensis episcopi, Steffanus regni Rasciae despotus, Hermannus Ciliae Zegoriaeque comes, Nicolaus de Gara, regni Hungariae palatinus, Nicolaus de Chaak waivoda Transsilvanus, comes Petrus de Peren, judex curiae regiae maiestatis, Petrus Henrici magister tavarnicorum, Pipo de Ozora comes ?emesiensis, Desew de Gara banus Machowiensis, Joannes de Gara, Joannes de Marott banus, Joannes Gregorii de Alssan, Paulus de Ezdege banus, Jacobus de Zantho waivoda, Joannes de Rozgon summus thesaurarius regiae maiestatis, Matthaeus de Palowcz Borsodiensis et de Bereg comitatuum comes, Nicolaus de Peren marescalus, Henricus de ?omasi magister curiae, Steffanus de Bator magister dapiferorum, Ladislaus de Kompolt magister pincernarum regiae maiestatis, Joannes Jakch de Kwsal, Steffanus de Rozgon, Junior comes Posoniensis, Michael filius Steffani comes Neugradiensis, bona fide et christianica, nostris et fratrum, regnicolarumque universorum nomine et nominibus assumimus et pollicemur, quod omnia et singula, superius scripta et expressa, dominus noster Sigismundus rex attendet, nos perpendemus et servabimus, suamque serenitatem inconcusse observanda inducemus, dolo et fraude in omnibus et singulis praemissis procul motis. Praesentium sub nostrae maiestatis ac etiam praelatorum, principum et baronum praedictorum sigillorum testimonio litterarum. Datum
