Novák Ádám (szerk.): Fontes Memoriae Hungariae I. Varsóban őrzött magyar vonatkozású oklevelek, 1350–1386. Közreadja: Novák Ádám és Tóth Péter (Debrecen, 2017)
Oklevélszövegek
1 Oklevélszövegek 1. 1350. április 4. Buda. I. Lajos király oklevele, amelyben átengedi Kázmér lengyel királynak Orosz országot, intézkedik annak sorsáról arra az esetre, ha Kázménak utóda születnék, továbbá a korábbi szerződéseknek megfelelően fivére, István nevében is segítséget ígér a poroszországi keresztesek ellen. Nos Ludovicus Dei gratia Hungariae, Jerosolimi, Syciliae, Dalmatiae, Croatiae, Ramae, 1 Serviae, Gallitiae, Lodomeriae, Comaniae, Bulgariaeque rex, princeps Salernitanus et honoris montis Sancti Angeli dominus memoriae commendantes tenore praesentium significamus, quibus expedit universis, quod nos regnum Russciae, quod praedecessorum nostrorum olim illustrium regum Hungariae beatarum recordationum fore dignoscebatur et per consenquens eiusdem regni Hungariae regimine et trono regalis dignitatis ad nos iure successorio devolutis, nostrum fore dignoscitur, serenissimo principi domino Casimiro, eadem gratia regi Poloniae, avunculo nostro carissimo de consensu incliti principis domini Stephani, ducis totius Sclavoniae, Dalmatiae et Croatiae, fratris nostri carissimi dedimus et donavimus, in his scriptis huiusmodi moderamine et pacto interpositis, quod si praedicto domino regi Poloniae Divina gratia filium condonabit, quandocumque voluerimus, ab eodem filio suo et suis heredibus sexus masculini, non tamen a dicto domino Casimiro rege usque vitam suam nos vel dictus dominus dux Stephanus frater noster, aut utrorumque nostrorum heredes dictum regnum pro centum millibus florenis redimere possimus atque valeamus, filius vero ipsius domini regis vel sui heredes nobis vel dicto domino Stephano duci aut heredibus nostris, occasione qualibet et contradictione semotis, reddere et restaurare tenebuntur regnum praenotatum. Si vero eundem dominum regem Poloniae sine herede sexus masculini, quod absit, decedere contingat, extunc dictum regnum Russciae tanquam ius nostrum proprietarium eodem modo, sicut regnum Poloniae ad nostras manus devolvetur iuxta principalem conventionem nostram de regno Poloniae praenotato factam pleno iure. Subsidium autem et auxilium contra cruciferos de Pruscia et alios quoslibet suprascriptis [!] duntaxat praedicti regni Russciae dum et quando expediens fuerit et opportunum, iuxta modum et formam prioris compositionis inter dominum Carolum regem, genitorem nostrum piae memoriae et per consequens nos, ac ipsum dominum regem Poloniae habitae nos vel idem dominus Stephanus dux frater noster 1 Az oklevél átírója itt is és a többi átírt oklevélben is Bamae, illetve Baniae neveket ír Ramae helyett, nyilván nem ismerve ezt a nevet. Tévedését természetesen javítottuk. (Tóth Péter)
