SCHEMATISMUS 1948.

III. História brevis Provinciáé novae Capistranae Nova igitur Provincia Capistrana e Religiosis 3 Provinciarum ac Domibus 4 Provinciarum composita erat. Ideo propter mores consuetudinesque discernentes initio haud parvis difficultatibus premebatur. Primus Minister Provinciáé in Congressu Definitorii Gen. 3. Junii 1900. electus est P. Aloysius Tamás, qui jam prius ut Definitor et Visitator Generalis auxilio erat P. Ministro Generali in Ordinis unione et reformatione perficienda. P. Aloysio obvenit illud munus maximum, ut egregiis suis qualitatibus et humanis et religiosis in nova Provincia spiritum vere Franciscanum vivendique modum unanimem efformaret. Incredibile est, quantos per continuos 12 annos labores debuerit P. Aloysius subire, quantas difficultates devincere, praescipta Bullae „Felicitate quadam" ad effectum perducturus. Sed non absque successu! Domus pleraeque, una post alteram, patefiebant reformationi, et anno 1912, Provinciám jam roboratam tradidit successori suo, quae sic disciplina interna renovata, laboré eximio pastorali exhibito, restauratis Ecclesiis et Conventibus inter priores Provincias Ordinis evecta est. Anno 1913. jam adeo multiplicatus est numerus Alumnorum Provinciáé, ut ex munificentia Servi Dei Joannis Hám et Tiburtii Boromissza Episcoporum Szatmáriensium Conventum in Szatmár accipere posset. Sed propter defectum Patrum linguam slovenicam callentium 4 Conventus, nempe Alsósebes, Bártfa, Eperjes et Sztropkó anno 1914. interimaliter Provinciáé Immac. Conc. B. M. V. in Galicia traditi sunt. Ex his Conv. Sztropkó mox desiit, ceteri tarnen de jure ad Provinciám nostram pertinebant. Igitur nova Provincia Capistrana usque ad annum 1921. domicilia 28 numerábat per Regnum Hungáriáé dispersa. At terminato bello primo mundiali factaque per pactum in Trianon initum Patriae nostrae dismembratione, 11 Conventus sunt a corpore Provinciáé avulsi. Conventus nempe Szabadka et Bács Provinciáé Ss. Cyrilli et Methodii in Croatia, Conventus vero Máriaradna, Kaplony et Szatmár Provinciáé S. Stephani in Transsylvania sunt ingremiati, demum ex Conventibus Alsósebes, Bártfa, Eperjes, Fülek, Rozsnyó et Res. Nagyszőllős, accedentibus Domibus a Prov. S. Mariae item avulsis, constituebatur Provincia Ss. Salvatoris in Slovacia anno 1924. erecta. Sed divina Providentia, quae omnia sapienter suaviterque disponit, Provinciám nostram pro amissis domiciliis mox abundanter compensavit. Nam etsi consecutiones belli per plures postremos annos fere cunctos Conventus gravissime oneraverint, históriám tarnen Provinciáé inter duo bella mundana (1918—1944) novae fundationes, magis magisque crescens actuositas pastoralis recentesque aliae inceptiones, item laetabilis numerositas vocationum illustrant. Novae jundationes (de quibus uberius in história singularum domorum): Residentia in Hatvan (1931); Conventus cum Paroecia in Salgótarján (1932); Residentia in Budapest-Pasarét (1934); Conventus cum Paroecia in Csongrád (1936); Residentia Terrae Sanctae in Budapest-Hűvösvölgy (1936); Conventus pro exerc. spir. in Nyír15