Payr Sándor: Egyháztörténeti emlékek. Forrásgyüjtemény a Dunántuli Ág. Hitv. Evang. Egyházkerület történetéhez. I. kötet. Sopron 1910.

I. Luther tanainak legrégibb nyomai az egyházkerületben.

Dominus Benedictus Bors dixit, quod domi cum familia nunquam edisset carnes, nec ova diebus prohibitis, nec etiam tractatus lutheranos habuisset, sed cum semel ad Albam regálém proficisceretur, misit Paulus Institor coquere ova quadam sexta feria ad noctem et comedit cum eo unum ovum, sed in quadragesima ad Sanctum Johannem de eo confessus est et absolutus. Dominus Waltasar Stegersbacher dixit, quod non comedisset nec ova, nec carnes diebus prohibitis cum familia sua, et quod ipsum Institorem semper arguisset, ne ita licenter viveret, et quomodo audisset, quomodo idem Institor comedisset carnes. Paulus Institor ultro confitetur, quod nescit, an alii habeant libros lutheranos, an non, sed de seipso bene scit, quod habeat et vult demonstrare et praesentare ad postulatum Dominorum, et quod ova manducasset in quadam profectione in una sexta feria, et superaddit: quod cum ducilasset hoc anno vinum, fuisse rogatum a quibusdam sociis, an habeat aliquid comedere, dixit ioco, habere unam calcedam de carnibus suillis, et dixissent aíferre, et ex ea comederunt, et nihil inde remansit, et ipse adstitit et coepit postea etiam comedere; sed alias nunquam talia commisit, verum semper cum suis pro loco et tempore ut christianus vixisset et commendat se dominis commissariis. Dominus Caspar Kolb confitetur, quod ipse nunquam usus fuisset huiusmodi libellis, et quod ad- diem Sancti Stephani regis ad Albam regálém ivissent etfecissent aliquas reverentias imaginibus et ecclesiis, sed ab Institore derisi et correpti, quod ligna et lapides venerarentur, et quod audisset rumore, quomodo Paulus Institor comedisset ova et carnes diebus prohibitis. Georgius portitor civitatis, interrogatus sub iuramento, quo tenetur, dixit, quod audisset a quodam studente, qui ita fateretur, quod comedisset unam calcedam de carnibus suillis in quadam sexta feria in domo Pauli Institoris. Dominus Matthias Coriari confitetur, quod cum dominó Johanne Pistore quadam sexta feria ad Paulum Institorem ad tabernam transivissent et petivissent ientaculum ab eo, qui dixit: Vultis comedere unam calcedam de esoribus*) et apportavit unam calcedam de carnibus suinis; sed ab ipsis iterum amovit et portavit ad triclinium suum, at ipsi exspuerint super hoc facto, et viderunt eum vacuam catinam ad coquinam portasse. Dominus Johannes Pistor confitetur, quod cum scitu non comedisset cum familia nec carnes, nec ova, nec haberet libros lutheranos. Sed de Paulo Institore ita loquitur, quomodo cum *) így az egykorú másolatban és Gamaufnál. Karácsonyinál: esocibus kérdőjellel.