Csepregi Zoltán: Magyar pietizmus 1700-1756. Tanulmány és forrásgyűjtemény a dunántúli pietizmus történetéhez. Budapest 2000. (Adattár XVI-XVIII. századi szellemi mozgalmaink történetéhez 36.)
Forrásgyűjtemény - 100 forrás
elaborarem, forte typis imprimendos, [hos], utpote ecclesiae Dei utili petitioni morém gerens pro exilitate ingenii mei rudi Minerva eosdem elaboravi, pureque descriptos una cum praefadone praefato domino patrono tradidi brevi Claritati Tuae transferendos. Praeter quos si labor meus ecclesiae utilis ac necessarius a me requiretur, eundem non subterfugiam, verum si auro aut argento tabernaculum Domini exornare nequirem, saltem pelles aut pilos caprarum eidem addere adnitar. Coeterum quia nostri, qui in officio pastorali a Deo constituti sumus, officii exigit ratio, ut puerorum etiam curam habeamus, quo ii ad glóriám Dei excrescere queant, ideo Claritati Tuae tres honestorum ac nobilium parentum filios praesenti occasione humillime recommendo. Duos quidem ex hac articulari ecclesia, alterum nobilis Adami Atsádi, alterum vero nobilis dominae relictae olim Stephani Noszlopi 4 viduae filium, obnixe rogans, ut non modo eosdem in numerum discentium eiusdem inclyti gymnasii recipére velit, verum et si possibile, ex eadem civitate honestorum parentum liberos requirere ac in locum horum huc pro Hungarica lingua ediscenda mittere dignetur. Assevero tam praefatum Adamum Atsádi, quam dictam viduam debitam ac honestam puerorum, qui huc mittentur, curam habituros, [sunt] enim bene possessionati ac sufficientem facultatem eos intertenendi habent, praeterea hic et scholam frequentare et non modo linguam, sed etiam [literas] Hungaricas addiscere possunt. Tertium [autem] nobilis Stephani Lörintz ex possessione [...] Mesteri dicta filiolum, qui iam fere ab [...] utrius anni scholam eandem Semproniensem frequentat. Rogo Claritatem Tuam, quod si numerus alumnorum permitteret, inter eosdem eundem recipére dignetur, ob distantiam namque loci [necnon] itineris nonumquam incommoditatem ad [...] necessaria parentes eidem subministrare nequeunt. Beneficium Claritatis Tuae in praefatos pueros [...] non modo eorundem parentes, sed etiam ego ipse modo animo gratissimo referre haud [tarnen praeter] mittam. In reliquo memet cum iisdem favori ac gratiae Claritatis Tuae recommendans assevero clarissimae Dominationis Tuae ad obsequia paratus Adamus Miskei ecclesiae articularis Nemes Dömölkiensis VDM m.p. Nemes Dömölk 8. Novemb. 1746. [Borítékon:] Clarissimo doctissimoque Viro Domino, Domino Danieli Hajnotzi, illustris gymnasii Semproniensis Augustanae Confessioni addictorum Rectori industrio fídelissimoque Domino et Fautori mihi colendissimo Sempronii REG. Autográf.
