Prónay Dezső – Stromp László: Magyar evangélikus egyháztörténeti emlékek a tótprónai és blatniczai Prónay nemzetség acsai levéltárából és könyvtárából (Budapest, 1905)

XIV. Prónay Gábor egyháztörténeti érdekű levelezéséből (1734—1755.)

73. Milecz Illés — Prónay Gáborhoz. (Pozsony, 1753 szept. 12.) — A Maglódra készülő Sztanovszky lelkész ügyében. — Poson. 12. Sept. 1753. Spectabili Dni Vrae Salutem a fonté salutis, et gratiam a Dispensatore gratiae Jesu, ex animo precatus, mea qualiacunq. promtissima defero officia. Litteras Spect. Dnis Vrae per Amanuensem Sp. Dni Zitkovszky mihi traditas, debito cum honore percepi: iussa, quanto melius ac celerius fieri poterat, exequutus sum. Rndus Dn. Sztanovszky nunc ipsémet Pesthinum descendit, opportunam hodie occasionem nactus. Divertet illic ad hospitium Sp. Dn. Jeszenák, forsan etiam Sp. Dnem Vram inviset, ut Eidem pro efficaci commendatione gratum testetur animum, seq. ulteriori commendet gratiae, si modo ei tempus, quo ad Maglodenses festinare constituit, id praestare permiserit. Domesticos suos interea aliquamdiu Posonii reliquit, siquidem uxor natura timida se Danubio committere non audet: De quadam alia curriculi occasione eum solicitum esse opportebit, dum aliquantum Auditoribus Suis innotuerit. Quae monendus erat Rndus Sztanovszky, ea ipsum commonui fraterno animo et affectu, utinam iam exantlata miseria humiliatus, tanto uberiores ferat fructus, quos in multam salutarem aedificationem diu laeti metánt eius Auditores. Jam respiciat Deus clementissime in Spect. Dnem Vram, Eamq. in Statum valetudinis firmioris restitutam nobis atq. Ecclesiae suae afflictae in solatium ac lenimen miseriarum diu adhuc superesse jubeat, ita precatur, vovet et sperat Spect. Dnis Vrae Servus ad quaevis officia paratissimus ELIAS MILETZ mp.