Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XI. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1586
1*4 usus sum triennium disciplina Francisci Nigri moderatoris scholae eiusdem ciuitatis. Inde in Morauiam Hunnobrodam profectus eruditum virum Martinum Mallobicenum triennium sacras literas et liberales disciplinas docentem audiui. Tandem Epperies ueni ibidem usus Praeceptore Jacobo Wagnero per spácium unius anni. Post Lypscham Alemannorum deueni, ubi peregi biennium audiens fideliter docentem doctum virum Michaelem Czabanium. Ex qua schola uocatione accepta in munus sacri ministerii a Reuerendo viro Domino Leonardo Moko- schino Pastore Ecclesiae ibidem in Diaconi officium eiusdem Ecclesiae promotus sum. — 0. Leyser. [7. Aug.] 275. Ego Joannes Heinricus Scheubelius patria Uracensis ex ducatu Wirtembergensi iactis in patria primis fundamentis pietatis et honestarum literarum Tubingam profectus sum, ibi clarissimos et doctissimos uiros et professores Philosophiae et Theologiae triennium audiui. Postea in Austriam uocatus liberos D.Joannis Hauffii a Steinach in Boppen, nobilis, per biennium cum dimidio instruxi. Demum uocatione accepta a Generoso Domino Theoderico Barone a Buchaim, Domino Hornae et YViltpergae, Archidapifero Austriae haeredi- tario ad Diaconatum Ecclesiae Hornensis in Austria inferiori. — O. [18. Sept.] 27G. Ego Johannes Albertus Edelstadiensis uel Zuckmant- liensis Silesius prima elementa artium et pietatis in patria mea ieci. Deinde Schemnicii triennium literis incubui. Postea Iglauiae in Morauia triennium, Nouisolii annum operam literis dedi. Quo tempore peracto scholae Edelstadiensis ludimoderator fi annos fui. Tandem a Magnifico et Nobili Domino Domino Laurentio Eder seniore de Schemnitz, Domino in Eulenberg, ad officium Pastoris in pagum Moraw uocatus sum. — O. Leyser. [7. Sept.] 277. Ego M. Andreas Ammon Staffelsteinensis Francus prima elementa Coburgi posui, deinde missus Noribergam sub disciplina M. Georgii Sellae per integros sex annos fui, ad maturiorem aetatem perueniens sumptibus Noribergensium missus sum ad Academiam YVittebergensem ibique promotus in Magistrum Anno 76. Dehinc profectus in Austriam, oblata est mihi conditio scholastica in Neusidel Hungáriáé ad lacum P'eortheo, cui scholae praefui quadriennium. Tandem a papistis, quorum impiae doctrinae et idololatrias
