Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XI. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1586
postea Argentínám me contuli ibique per annum commoratus sum, hinc in Austriam discessi et Waidhofiae ad Ipsam apud Sebaldum Eggerum senatorem eiusdem ciuitatis paedagogi officio functus sum, donec ad instituendum iuniorem comitem ab Ortenburg a Generoso D. D. Ernesto comite in Ortenburg libero Barone in Carlsbach et Freinstain D. in Ericourt et Lil uocarer, hinc a Generoso D. D. Joanne Wilhelmo libero Barone in Losenstain et Schalaburg ad offitium Diaconi in ecclesia Losdorpiana Austriae legitime sum- uocatus. — O. Leyser. [26. Juni,] 269. Ego Vitus Galli Netholicenus, Prognatus ex parentibus bene moratis videlicet Vencesilao Gallo et Anna iuxta Ecclesiae Catholicae ritum legitime copulatis operam dedi honestis literis sub ferula colendissimi viri D. Petri Barossii et D.M. Hieronimo Machabeo Klatoviceno, Slanae D. Mathia Inquilino Prageno. Deinde Budevidi per triennium juventutem Scholasticam administravi, inde honesta ac legitima vocatione mihi data ab amplissimo senatu Bitessensi et pastore eiusdem civitatis ad officium Diaconi vocatus. — O. [26. Juni.] 270. Ego M. Sebastianus Wintersolerus Augustanus natione Suevus, natus anno Christi 1558 fundamenta pietatis, artium liberalium et linguarum in patria ieci. Postea de sententia meorum Ingolstadium studii philosophici percipiendi causa missus, ibi per dimidium annum eorum sumtibus vixi. Deinde Marpurgum Cattorum veni, ibidem per biennium cum dimidio pene versatus Magisterii gradum suscepi. Postea anno 79 in patriam revocatus oblatam paedagogiani apud Dn. Albertum a Stetten per annum et in patria et Tubingae administravi. Tandem in Austriam inde digressus biennium cum dodrante impendi instituendis liberis strenui et nobilis herois Dn. Francisci a Gera, qui me inscio postquam audierat cum suo pastore M. Luca Kirchmayr in Tates, extremae Vngariae adversus Turcicas impressiones propugnaculo, vacuam extare functionem Ecclesiasticam, omnem moverat lapidem, ut mei haberetur ratio in isto mihi assignando loco. Quod cum sit factum et heros ille Georgius Paxii a Paxos, liber baro, noster supremus capitaneus me cum exercitu germanico benigne ad istum locum suscipiendum invitasset, Vienna discedens ibidem post aliquot concionum specimina edita oblatum munus non detrectavi. — O. Leyser. [20. Juli.]
