Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XI. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1586
17* 257. Ego Elias Spaldtholtz Stolpensis Mysius primis in patria schola et pietatis et liberalium artium fundamentis iactis in hanc Academiam commigravi, in qua sexennium adiutus liberalitate et beneficientia Illustrissimi Principis et Electoris Augusti etc. et theologiae et philosophiae operam navando transegi. Exinde cum et Baro et inclytus senatus Triboviensis in Moravia sibi Diaconum a Collegio Theologico mitti peteret, Triboviam sum ablegatus. — O. Leyser. [9. Febr.] 25*. Ego Johannes Flederwizius Tribouiensis Morauus a primis annis literarum elementa in patria didici. Tandem sumptibus et beneficentia parentum meorum Lipsiam me contuli. Cumque illic non per integrum biennium bonis literis operam dedissem, rursus a parentibus meis a studiis auocatus sum et ipsorum consensu ac uoluntate in patria ciuem egi per annos nouem. Tandem Deo ita ordinante a Magistratu meo Generoso ac Magnifico D. Johanne a Boskowiz Marchionatus Morauiae Eparcho uocatus sum ad pastoratum Ecclesiae Reichnaw. — O. Leyser. [9. Febr.] 259. Ego Melchior Ludouicus SenfTtenbergensis natione Misnicus prima artium rudimenta imbibi in patria. Deinde missus Dresdam, ibi sub disciplina Humanissimi Domini M. Friderici Zörleri ludimoderatoris honestis et liberalibus artibus operam dedi. Postea me contuli Budissinam, ibi integrum biennium sub praeceptore Ludi- rectore Thoma Fabro confeci. Deinde propter aeris mutationem Wratislauiam me appuli, ibi quoque sub praeceptore Steinbergio biennium confeci. Vocatus deinde ad munus scholasticum in oppidum Freudcnthal a Domino Matthia Mosaeo, quadriennium ibi consumpsi. Tandem amicorum meorum consensu Witebergam me recepi, ibi quoque biennium confeci in audiendis Theologicis lectionibus, sumptibus illustrissimi principis Augusti piae memoriae sub Reuerendissimis et clarissimis viris Domino D. Polycarpo, D. Johan: Schuz et D. Matthaeo. Nunc uero ad munus docendi Euangelii in pagum Vogel- seiffen situm prope Freudenthal in finibus Morauiae uocatus a Generoso Domino Domino Hynecko a Wirbka seniore Domino in Freudenthal, Bistriz et Goldenstem, Caesareae Maiestatis a consiliis. — O. Leyser. 131. März.] M .-i
