Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XI. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1585
175 randi viri Domini Johan: Satpogii Goldbergam ad uberiorem studiorum progressum me contuli, in illo celebri Goldbergensi Gymnasio literis operam dedi & usque in quintum annum eruditum &: pium virum M. Martinum Thaburnium, itemque M. Georgium Helmericum summa cum voluptate audiui. Postmodum uero paupertate compulsus autoritate & consilio piorum dictorum virorum in aulam quandam pagi Mauer paedagogium suscipiendam deueni, informans nobilis cuiusdam viri Conradi a Tschirnhaus liberos, illic transegi annos tres. Tum commoda oblata uocationis occasione a senatoribus oppidi Kupfferbergk iuuentutem informandam in locum illum me recepi, ibi praefui pueritiae in schola in septimum usque annum. Tandem a prudentissimo senatu consilio & autoritate Venerandi Dn. Martini Todtenwolff pastoris fidelissimi patriae suae uocatus sum ad Diaconatum Ecclesiae Tribon- iensis. — O. Leyser. [27. Jan.] 248. Ego Abraham us Glaser ab urbe patria Chemnicensi, cum parente meo, qui ad metallicam praefecturam ab equite nobilissimo Christophero a Carlowitz Catharinabergam avocabatur, discedens ibi praeceptore Melchiore Krautvogelio primas didici literas Hinc inde parentibus meis mortuis veni Freibergam, ubi sexennium Rectore Valentino Apelle (piae memoriae) et M. Michaele Hempelio praeceptoribus studiis invigilaui. Hinc causa studiorum meorum contuli me Witebergam, ubi quatuor fere annos consumpsi. Nunc Dei gratia ad docendum Euangelium vocatus a nobilibus nobilissimis Johanne et Sigismundo de Ziesar fratribus in pago Lubenitz. — O. Leyser. [ 1G. Juni.] 249. Ego Lucas Ziegl 1’rachaticenus Boemus prima fundamenta pietatis & literarum Latinarum ieci in patria, tandem ob vberioris ingenii fructum a parente suo Gregorio Ziegl promotus sum Mezericium & ibidem vsus sum praeceptore Domino Thoma Hermanomiesteceno per biennium, vnde profectus sum in montanas ciuitates & mansi Nouosolii sub disciplina Doctissimi Domini M. Pauli Haluepapii Pomerani per quadriennium. Nouosolio vocatus sum legitime a Zenthiwaniensibus Dominis nobilibus ad regimen scholae Woycensis, cui praefui per annum cum dimidio. Oblata vero ab iisdem egregiis & nobilibus Dominis Zenthiwaniensibus honesta vocatione ad Sacrosanctum munus Ecclesiasticum eidem parui. — O. Leyser. (21. Juli.]
