Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XI. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1584
160 per annum. Deinde conferens me in Marchionatum Morauiensem, functus sum officio Rectoris uno anno Byttessiae. Ad gradum Diaconi ab illa ciuitate Byttessia uocationem habens, et a Reuerendo pietateque et doctrina ornato viro Domino Johanne Altomiteno Pastore Ecclesiae eiusdem duitatis peracto examine. — O. Leyser. [25. Sept] 229. Ego Jacobus Siberus Stolpensis semina pietatis et artium liberalium initia partim in patria partim in illustrissima principis Ducis Saxoniae schola Portensi didici, inde uberioris ingenii fructus capessendi causa et ad pleniorem disciplinarum cognitionem in Academiam Lipensem me contuli, postea sumptibus in studia collocandis destitutus iter in Austriam direxi, ubi in oppido Cremsa apud nobilem et inde ad alium nobilem oppidi Gmundae uocatus per quinquennium egi paedagogum, hinc in oppidulum Stras supradictae regionis auocatus, ibi locorum per anni spatium officio ludirectoris sum perfunctus. Demum a Domino Generoso libero Barone Mathia Teufielio Gubernatore oppidi Garsii eiusdem regionis ad sacrosanctum ministerium legittime uocatus. — O. [6. Oct.] 230. Ego Nicolaus Hranicenus prima fundamenta artium liberalium ieci in ciuitate Vnczouia Morauiae a Magistro D. Nicolao Nouak de Moschouec/., deinde a parentibus missus Wratislauiam ibique per biennium mansi, deinde post aliquot annos uocatus sum Konicziam, ibi pro Rectore scholae per triennium mansi, inde postea missus sum Witembergam ad Sacros ordines suscipiendos. — O. Leyser. 116. Oct.] 1584. 231. Anno 1559 fere septem septimanis post Natiuitatem Beatae Virginis Mariae Genitricis Dei in oppido Tabor eodemque anno conflagratione miserabili in vniuersum euerso natus ibidemque a pueritia in bonis literis usque ad annum decimum tertium institutus, suasu et consensu parentum meorum linguam ut addiscerem ger- manicam Iglauiam deductus ibique octennium in schola exigens, quia eram agrestibus moribus, in aulam abductus, sesquique altero anno elapso in patriam rediens et quadriduum domi manens in aliam aulam redii, postea ad musas ingenium exculturus et vberiorem doctrinae fructum capturus Gorlicium veni, vbi vsus praeceptore Joachimo Meistero & eius collegis per semestre iussu fratris mei
