Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
II. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573 - 1580
63 194. Ego Balthasar Paczolthii Sellecenus Pannonius prima fundamenta ieci Raduanii apud praeceptorem meum fidelissimum Dánielem Czabani Meczinensem, vbi didici lectionem et paradigmata nominum et verborum mediocriter. Suasu tandem parentum et caete- rorum me contuli Cybinium ad D. Johannen» Vlreich Nouisoliensem, apud quem per quatuor annos dedi operam honestis literis. Hinc tandem habitis comitibus in Bohemiam me contuli Pragam ad D. Vitum Ophtalmum Strakonicenum Baccalaureum vniuersitatis eiusdem vrbis. Postmodum flagrans desiderio patriae exactis ibidem quatuor annis profectus sum in patriam. Visis tandem parentibus et caeteris amicis salutatis Schemnicium ad Magistrum Christophorum Ecchardum perueni, sub cuius disciplina annum et paulo plus uixi. Postremo a D. Pastore Ecclesiae Selleczensis ad prouinciam scholasticam suscipiendam sum vocatus, quam per annum pro virili mea rexi, item in oppido Hlinik tantumdem praestiti. Denique D. Jacobus Dubouiczenus pastor Ecclesiae in patria mea me legitime mea explorata voluntate ad officium Diaconi datis testimoniis vocauit. — O. Joh. Schütz. [9. Dec.] 195. Ego Georgius Kerneri Oczouianus Pannonius primo omnium ieci fundamenta in patria sub ferula praeceptoris mei Nicolai Sareuuiczky. Tandem me contuli primis elementis degustatis in patria studiorum causa Schebnicium, vbi sub ferula Martini Swenglerii biennium vixi. Hinc recepi me ad Seuerinum Schultheti Rectorem scholae Eperiensis, sub cuius regimine tres solummodo quadrantes anni mansi. Porro per literas vocatus a Matthaeo Czabani Rectore scholae in oppido Hlinik ad officium collegae ibidem sum promotus, et post discessum eius in locum promotus. Ex hac itaque scholastica functione a D. Danihele Czaban pastore ecclesiae ibidem legitime sum vocatus. — O. Joh. Schütz. [20. Dec.]
