Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
II. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573 - 1577
2<S 100. Ego Paulus Wzanka Priwidiensis ex Sareptis Hunga- ricis a Montanis ciuitatibus ab ineunti aetate in scholis triuialibus utpote Schemnitii apud d. Thomam Fabrum, Cassowiae apud d. Richardum 16 annos uersatus, postea ad functionem scholasticam in comitatu Turocziensi in Hay uocatus annum exegi. Postea Tholt- pron triennio scholam administraui, inde quoque uocatus in Chrenocz biennio mansi. Postea a communitate oppidi Oczowa siue Boynicz ad munus sacrum suscipiendum inductus sum. — O. Leyser. [4. Oct.] 101. Ego Anthonius Oltardt Cibiniensis Transyluanus operam dedi bonis literis primum in patria, tandem in ciuitate Corona in Transyluania per biennium egi existente Rectore fratre meo Martino Oltardt. Insuper etiam per spatium unius anni fui Ludimoderatur in oppido Eczell prope Medies in Transyluania. Inde huc missus a fratre meo Mar: Oltardt (a quo et uocationem habeo in oppido Probstdorff in Transyluania) caussa discendi bonas artes, hoc fine tamen ut hic etiam munus Ecclesiasticum subirem, egique hic Vitebergae per dimidium annum. — O. Leyser. [9. Oct.] 102. Ego Wenzeslaus Huberinus Niuemontanus prima fundamenta artium in schola patriae ieci, postea missus sum a parentibus meis in celeberrimam Academiam Vitebergensem et ibi per biennium sacris literis operam dedi. Hinc auocatus ad praeceptorem nobilium liberorum Guntheri a Bunau senioris super Elsterberg et Gera prope Elistrim flunium, deinde ad ludimoderatorem Aberthami ibique etiam per biennium auxiliante Deo officio isto functus sum. Rursum hinc auocatus a Strenuo et Nobilissimo Domino Loth de Munckwitz ad officium Ecclesiasticum pagi Lindauiensis inferioris Lusatiae. — O. Leyser. [9. Oct.] 103. Ego Thomas Crato Mariaemontanus prima literarum fundamenta in patria posui sub ludimoderatore Alberto Lyttichio Joachi- mico artium ac theologiae sacrae Magistro. Cum vero essem annorum sedecim missus sum in ludum literarium Dresdensem ibique bienni- nium integrum permansi artium initia imbibens sub Rectore Johanne Purgoldo Magistro artium, patria Isenacensi. Postea Naumburgam missus ibique in ludo literario sub Ludimagistro Valentino Caesamero Naumburgensi linguis et artibus nauaui operam per quinquennium.
