Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XI. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573
196 rectoris ibidem officio fundens proficisceretur, secutus sum hunc et auditorem fidelem et diligentem tum morigerum me praebui per annum, qui me etiam ad functionem scholasticam Regiopontanam oppidulum citra Albim tribus milliaribus a Dresda distans situm promouit, et senatui inclyto commendauit. Huic scholae cum fructu et vtilitate Deo iuuante praefui tres annos et semestre. Cum autem pastori meo Hieronymo Bhreme (piae memoriae) de improuiso uita abrumperetur, substitutus est alius pastor, nomine Abrahamus Riccius Polsnicensis, qui ut facilius sibi esset munus docendi et uisitandi aegrotos cooptauit me sibi legitime diaconum. — O. Eberhard. [4. Oct.] 68. Ego M. Georgius Bernhardus Gilbertus natus in Libenuuerda Misniae oppido uersatus sum per sexennium in schola illustri Misnensi sub Georgio Fabricio piae memoriae Anno salutis 1562 usque ad 68, inde discedens Cantoris officio functus sum in patria mea per annum. Postea missus a patre meo M. Martino Gilberto pastore ac superintendente Libenuerdensi in Academiam Vitebergensem, ibi per triennium eius sumptibus uixi. Post patris autem mei obitum liberos Cl. Viri Domini Doctoris Wesenbecii institui per 14 menses, cuius etiam ope et commendatione gradum adeptus sum Magisterii sub Domino Licentiato Bartholomaeo Schönborn. Profectus deinde commendatione D. Wesenbecii Vratislauiam scholae aiiquandiu praefui, donec uocarer in Austriam a Reuerendo viro domino Martino Regulo socero meo, ubi Ludimoderatoris officio functus sum et simul condonando me exercui. Cum autem ciues in Austerlitz oppido Morauiae pastore destituerentur, petierunt a me, ut eorum essem concionator. Acceptis igitur literis uersus Brigam, ut ibi in ministerio confirmarer, ibi fieri non potuit propter principis absentiam qui grauiter accusatus a pontificiis manus imponere iis qui non sunt sub sua ditione amplius non audet ‘). Reuersus igitur ad praeceptores meos cum literis Brigensis superintendentis submisse petii ut me ad ordinationem admitterent, ne propter pontificios dues oppidi supradicti verbo dei et Sacramentis destituerentur. — 0. Bernh, Apitz. [11. Oct.] 69. Ego M. Andreas Pucherus Dresdensis fundamenta artium in patria ieci, postea Misenae in ludo illustri sub disdplina *) Diese Stelle ist für die Geschichte der evangelischen Ordination von besonderer Wichtigkeit.
