Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XI. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1601
VTY’ 254 Sartorium, ubi quinquennium fideliter literis operam dedi. Inde contuli me Iglaviam sub disciplinam M. Joachimi Goltzhii, ubi biennium exegi. Hunnobrodae per annum disciplina Laurentii Nudozerini usus sum. Secundo deinde redii Iglaviam ad Magistrum Pelargum, unde revocatus in Malacham per quinquennium juventutem in schola Malachana qua potui fidelitate maxima, docui. Relicta vero schola vocatus sum ad diaconatum per Magnificum dominum Melicheorem Balassam et oppidanos loci illius, unde Vitebergam processi. — O. 6. März. Hunnius. 649. Ego Vitus Adalberti Netolicenus Boemus honestis piisque parentibus prognatus a prima aetate in patria literarum fundamenta ieci. Post Misám me contuli cum praeceptore meo Paulo Miseno, ibi commendatus per triennium sub ferula D. Joannis Cubinii Altomitteni vixi. Deinde contuli me in Morauiam Nouodomium, ibi sub disciplina Do. Thomae Cropazii Trzebiceni per annum vixi. Post in Sclauonia vixi per annum sub ferula D. Basilii Vanouiceni. Inde vocatus ad munus Rectoris a R. viro Laurentio Thomae Reginae Hradeceno Geuicium, ibi per quadrigenium officium meum fungebar. Postea contuli me in Regnum Boemiae Oppocznium, ibi functus Rectoris officio, vocatus legitime a Reuerendo viro D. Joanne Galiarda Curimeno Decano Ciuitatis Dobruscensis. — O. 8. März. Hunnius. 650. Ego Johannes Semelius Ausoviensis Morauus prima fundamenta doctrinae jeci Prividiae in montanis Ungariac patris charissimi patria, cum Albertus Husselius pastor eiusdem Ecclesiae esset piae memoriae Prividiensis, Matthias Lochman scholarcha Neosoliensis Anno 88. Anno vero evocatus 1601 a senatu Losch- ticensi ex oppido Tmawha, ubi scholam per tres quadrantes anni rexi. — O. [zwischen 11. und 22.] März. Hunnius. 651. Ego A ndreas Leobaldus Iglaviensis in patria primum literarum fundamentis iactis consilio parentum et amicorum meorum in gymnasium Interamnensem [!] in Moravia ad continuandam studiorum meorum telam missus fui ibique pro virili iisdem operam navavi per triennium, inde vero digressus Fribergam me contuli ibique per semestre commoratus sum, donec tandem sumtus a parentibus suppeditarentur, ut in illustrem hanc Vitebergensium Academiam me conferre potuerim, in qua biennium cum dimidio consumsi, donec tandem ab amplissimo Polnensium senatu ad docendum Evangelium legitime vocarer. — O. 29. März. Hunnius.
