Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XI. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1600
248 626. Ego Ambrosius Pauli Stolpensis prima pietatis et artium fundamenta ieci in schola patria, postea ultra triennium in nobilissima schola Wicelebiana quae est ad Onestrum Turingorum, operam dedi literis sub Rectore Domino Mathaeo Meldnero. Denique ultra quinquennium in Academia Lipsiensium studiis Philosophiae et Theologiae incubui per biennium beneficio Illustri Saxonico ibidem sustentatus. Tandem cum iam in patria degerem, vocatus a Nobilissimo viro domino Joanne Georgio a Sebottendorff ad docendum in Ecclesia Schonvvalda in finibus Boemiae sita. — O. 10. Aug. Hunnius. 627. Ego Vencesilaus Peristerius Cerekvicenus Boemus honestis parentibus natus iactis linguae latinae fundamentis in schola patria missus sum Pilgramiam causa discendarum honestarum artium, ibi per triennium sub Baccalaureo Nicolao Haiochorano Curimeno non penitendos in studiis hausi profectus, post vero promotus fui Rzeczicziam, ibi in officio Rectoris per quatuor annos fui. Tandem legitime vocatus sum ad docendum munus in Ecclesia a Reverendo viro Sacerdote Henrico pastore Rzecziciensium. — O. 10. Aug. Hunnius. 628. Ego Vencesilaus Taborsky Pragenus Boemus honestis parentibus patre Hieronymo Taborsky et matre Margaretha natus iactis linguae latinae fundamentis in schola patria missus sum tandem Raconam causa discendarum honestarum artium, ibi per biennium sub Baccalaureo Joanne Pyckonide Pisceno non poenitendos in studiis hausi profectus. Tandem legitime vocatus sum ad docendum munus Ecclesiasticum a Georgio Hanussio Landscronaeo pastore Ecclesiae Christi ad D. Henricum in nova Praga. — O. [zw. 10. und 13.] Aug. Hunnius. 629. Ego Thomas Guidonis Pragenus Boemus honestis parentibus patre Adamo, matre Vrsula natus linguae latinae fundamentis in schola patria ubi sub disciplina M. Nicolai Zunei non poenitendos in studiis hausi profectus. Tandem legitime vocatus ad docendum munus Ecclesiasticum a Blasio Bbrowsky a Borowna. pastore Ecclesiae dei Slusticensi in regno Bohemiae. — O. [zw. 10. und 13.] Aug. Hunnius. 630. Ego Samuel VVolini Trnawsky alias Procopides Morauus patre honesto genitus Jacobo Wolino olim ministro in Marchionatu Morauico Holessouiae, Prostannae, et honesta matre Margaretha educatus prima fundamenta pietatis ieci in patria sub praeceptore
