Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XI. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1600
244 tractari, uerum enimuero spe decipiebar. Elapso igitur anno ad pinguiorem scholam Dresdensem animo trahebar, in qua per triennium minus aliquot septimanis auditorem sedulum me exhibebam. Hinc denique consensu, imo magis iussu parentum ad hanc celeberrimam et illustrissimam Academiam Witebergensem perueni, in qua biennio studiosum S.S. Theologiae me exhibui usque dum a generoso nobili domino Wohuslau Felici Vitzthum eiusque subditis ad Diaconum Brunnersd: fui auocatus. — 0. 25. Mai. Gesner. 618. Ego Paulus Artopoeus Novodomenus Boemus legitime natus toro, patre videlicet Vito, matre Majorana, inque patria ad annum usque 15. educatus, tandem a parentibus Hunnobrodam in Moraviam missus studiorum gratia, ubi quinquennio iisdem operam navabam, partim sub praeceptore honesto atque erudito viro domino Vencesilao Collino, partim sub domino Martino Maloviceno, mihi patris loco colendo, inde in montanas civitates (Schemnicium nimirum) me contuli ibique biennium in castris Musarum praeceptore doctissimo viro domino Laurentio Jonischero usus exegi. Hinc rursum Iglaviam in Moraviam me contuli, vbi auditor fui M. Johannis Ursini per triennium. Cognitis tandem (Deo opt. ter max. intermediante et benedicente) literarum primordiis in collegium Pragense ablegatus sum, in quo Reuerendo et clarissimo viro Domino M. Petro Codicillo (cuius memoria est in divina benedictione) per annum et quidem ad extremum usque vitae optimi eiusdem viri halitum famulatus sum. Inde promotus sum ad functionem paedagogicam ad generosum virum dominum Antonium a Salhausen in Bensen, civitatem tribus miliaribus a Lidomericio distantem, ibi per biennium duravi, inde Pragam ad administrationem scholae D. Michaelis vocatus sum. Hinc rursum mihi functio paedagogica oblata est apud nobilem virum dominum Carolum Hrusska a Brisen in Bitosowes. Tandem spado unius anni praefui scholae Pylgramensi in Boemia, non procul ab Iglavia. Postmodum in thermis per integrum annum scholasticam functionem administravi. Ad extremum Cuttebergae in Boemia ad altam Aedem vicerectorem egi per semestre, inde Nymburgam ad diaconatum vocatus sum per Reuerendum et clarissimum virum Dominum Eliam Ssuda Semanina amplissimo illius civitatis senatu consentiente. — 0. 25. Mai. Hunnius. 619. Ego Christophorus Wagner Trutnovinus germanus, honestis parentibus, nimirum patre Georgio Wagner et matre Barbara
