Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XIII. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1597
200 vixi, Ita videlicet ferente rerum mearum tenuitate, quam et cupiens aliquanto maiorem Witeberga in Moraviam discessi, ut si forte Patroni alicuius liberalitatem ad promovendum me impetrarem. Verum dum nemo sedulo quaerenti occurrit, aliud medium res meas vitamque promovendi Deus monstravit, nempe ut sacrosancto Ecclesiae ministerio meam fidem et operam dicarem, prius legitima vocatione facta per Reuerendum Dominum Martinum Stephanidem Ecclesiae Chrudi- mensis Decanum et caeteros Ecclesiae ministros illius tractus nec non consilio et suffragio Ecclesiae Hermanomestensis vnitissimo. — O. 17. Aug. Hunnius. 529. Ego Georgius Stephanides Chrudimenus ex legitimo et pio thoro procreatus pietatis, bonarum artium semina in patria sub praeceptore M. Laurentio Sarcandro Falcomontano imbibi. Anno aetatis 12. Mezericium ad uberiorem ingenii cultum capiendum bonorum virorum consilio meoque concessi, et ibi ad 19. operam honestis literis dedi. Tandem vero vocatus legitime ad munus ministerii a Generoso Barone Wilhelmo Dubsky a Przemisticz et Zaworzic, Reverendoque D. Georgio Procopio Neoboleslaviensi Ministro Ecclesiae Novae Ciuitatis. — O. 21. Aug. Hunnius. 530. Ego Hieremias Felicis Sutticenus fateor me hisce literis manu propria scriptis a piis et honestis parentibus legitimo in thoro procreatum et primum in patria schola, postea vero in Gymnasio Velvarii tum temporis praeceptore Jacobo Crocino Sutticeno per biennium commoratum, deinde postea per annum in Sepusio Cassoviae per annum, Laytschoviae per annum sub ferula D. Magistri N. Iglauiensis, denique ex Pannonia in Bohemiam reuersus a reverendo viro Georgio Pyrenio Zateczeno pastore ecclesiae Nachodensis ad diaconatum Ecclesiae legitime sum vocatus. — O. 7. Sept. Hunnius. 531. Ego Carolus Rubecula Prahenus cum sattagissem annum aetatis 12. in scholam Guttembergensem missus et sub ferula D. M. Andreae Littomerziceni per annum, moratus sum deinde Podebradii per annum, Glatoviae per biennium sub ferula Vencislai Velvarini, Mestecii Cantoris officio per triennium functus sum. Hinc nacta honesta vocatione a Reverendo viro Benedicto Pallas Bidzovino pastore Ecclesia Lomnicensis. — O. 7. Sept. Hunnius. 532. Ego Martinus Francus Fribergensis Misnicus, alias Börsdorfensis, piis et honestis parentibus natus et educatus a primis annis in schola Dresdensi per septennium, in Fribergensi vero per
