Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XIII. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1596
191 suasu et promotione Reuerendi et clarissimi viri Dn. D. Policarpi Leyseri Theologi fidelissimi iusudani. Morbo postea et sumptuum defectu nolens uolens Zittauiam reuersus in aula Bohemica Nobilissimi et Generosi Domini Salomonis Blectae ab Autigshorn in Kressa, Nalow et Holtzscken (Crassouiae specialiter) nobilium puerorum praeceptor indignus fui per biennium. Jam autem in die S. Matthaei Apostoli ultra meas cogitationes aut praemissa petitione aut insinuatione legitime et honorifice ab Ecclesia Morgensternensi ad S. S. Ministerium sum uocatus. — O. 26. Sept. Hunnius. 498. Ego Balthasar Lyra Witebergensis filius cultrarii huius duitatis Nicolai Lyrae piae memoriae prima literarum fundamenta in schola patriae ieci. Deinde in schola Görlicensi et tandem in numerum stipendiariorum Electoralium ad continuandum sacrosanctissimum meum Theologiae studium sum receptus, quo beneficio liberali per biennium usus fui. Dehinc voluntate Dei, cuius nutu omnia reguntur et gubernantur a Nobilissimo et strenuissimo viro Johanne Mosero Domino in Mittelstockstal et Winckelberg in Austria ad sacrosanctissimam muneris Ecclesiastici functionem legitimo modo sum vocatus. — O. 26. Sept. Hunnius. 499. Ego M. Philippus Rhau Lauffensis Wirtembergicus natus thoro legittimo Reverendi viri Domini Chiliani Rhau, verbi divini ministri usque ad annum 13 in patria schola sub Leonhardo Christophoro Geistero Grammatices fundamenta ieci. Hinc a parente auocatus (qui interim in Austria concionatorem apud Generosum D. D. Wolfgangum Strein L. B. in Schwarzenau egit) et aliquandiu domi commoratus. Hinc studiorum gratia Linzium in illustre procerum Austriacorum Gymnasium missus sub M. Johanne Meinhardo in artibus Logicis institutus per biennium fui. Postea ad uberiorem ingenii culturam Mezericium in Gymnasium Moravorum sub M. Johanne Vrsino praecepta disputando et declamando ad usum accommodare studens profectus sum parentis mandato. Tandem in Academiam hanc celeberrimam ob famam praecipue Theologici studii parentum et praeceptorum consilio missus sum, in qua me tam privatim quam publice in Theologicis et philosophicis audiendo, legendo et disputando exercui per biennium et semestre. Sub clarissimo viro domino M. Antonio Euonymo in magistrum philosophiae publica solemnitate creatus fui. Demum in medio studii Theologici curriculo a Generoso Domino Wolfgango Streinio L. Barone
