Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XIII. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1596
187 operam dedi. Quocirca hoc actu proximo peracto sub Magnifico Domino Rectore Ernesto Hettenbach Medicinae Doctore et P. P. Decano uero spectabili M. Antonio Euonymo Ethices Professore Publico ad summum in philosophia gradum uocatus sum. Praeter omnem spem autem et uoluntatem diuina prouidentia vocationem ad diaconatum legitimam Ecclesiae Ischlensis superiori in Austria sitae accepi. — O. 18. April. Hunnius. 482. Ego Johannes Hus Nouogradiensis Morauus pie iactis literarum scholae Lithomerziceno (!) a viro Magistro Wenceslao Cernoviczeno expeditus Witebergam. — O. [Zwischen 2. und 18. April.] 483. Ego Foelix Adelphus Austinus honestis ac piis parentibus proseminatus patre nimirum Matthaeo et matre Anna, incolis civitatis sic dictae Austin. Hic puer pie enutritus et disciplina scholastica traditus ab Rectore humanissimo viro Joanne Niger prima literarum semina imbibi, donec etiam maiorem, qui quidem in aetatem teneram cadere poterat, ipsius rei profectum feci, mansi. Jam grandior factus voluntate parentum primam profectionem et peregrinationem Pragam, Boemicam metropolim, suscepi. Ubi ab humanissimo et doctissimo M. Joanne Corinno ad Minoris Pragae templum regendae scholae provinciam sustinente impetrata venia in numero discentium quinquennium transmisi sedulam in literis humanioribus operam navans. Huic scholae et quoque Rectori valedicto alteram peregrinationem Reginae Hradecium institui: quo faustiter ac feliciter deveniens me in album auditorium Joannis Wodnani, eo loci Rectorem agentis inscribendum censui. Sub quo praeceptore et studiorum meorum duce tantisper mansi, quoad legitima vocatione a Reverendo viro Joanne Adelpho Austino Ministro Ecclesiae Policensium facta ad hoc sacrum ministerium. — O. 2. April. Hunnius. 484. Ego Vencesilaus Hodek Vizouicenus Morauus natus Vencesilao Pastore quondam Ecclesiae Vizouiensis et matre Johanna parentibus natus et honeste educatus scholaeque Altomitenae erudiendus traditus prima literarum tyrocinia addidici idque primis puerilis aetatis annis. Hinc autem ut indies grandior Zylongum gratia studiorum humaniorum veniens eodem loci biennium operam laborum vocationis meam strenue ursi. Ex hac Bohemiae urbe in alteram deueni in Regino Hradecium dictam, in qua identidem annum et amplius in cursu studiorum transmisi vsus praeceptore clarissimo viro M. Martino Czernouiceno. Quo transmisso tandem peregrinationem
