Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
VII. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1595
128 notarium publicum per annos aliquot egi. Tandem diuina disponente gratia ductus consilio bonorum virorum ad munus sacrosanctum suscipiendum per Reuerendum uirum D. Johannem Kaukalium ministerium Ecclesiae Dei in ciuitate Solnicz commendatus. — 0.29. October. Hunnius. 470. M. Michael Monachus Pirnensis Misnicus alumnus fui electoralis per sexennium Misenae in ludo illustri, per quinquennium hic in Academia Witebergensi, ubi et Magistri titulum sum consecutus. In locis celeberrimis praeceptores habui doctissimos. Variae in religione mutationes de variis me instituerunt, Academiae, venerandae meae altricis incommodum meum commodum. Ad aulici concionatoris officium in arcem Zwirtiz non procul a Boleslavia Bohemiae sitam legitime sum vocatus ab Inclytis et Generosis dominis Domino Heinrico Pincerna regni Bohemiae haereditario et domino Sigismundo, Heinrici ex fratre nepote, Baronibus Wartenburgicis, Dominis in Kemnitz et Zwirtiz. — O. 16. Nov. Hunnius. 471. Ego Tobias Henzelius Rosembergenus Pannonius patre genitus Andrea Henzelio et matre Barbara natus prima fundamenta pietatis jeci in patria sub praeceptore Joanne Nostitio, emissus a parentibus augendae eruditionis meae gratia Moschoviae in Pannonia sub Thoma Doroticio annum cum dimidio exegi, tandem in Moraviae finibus Brodae Pannonum sub praeceptore Hieremia Parlai annum itidem cum dimidio vixi, sedulam navans in studiis operam, tandem ad regimen scholae Ostrovium vocatus, cui praefui triennium. Denique Wittebergam emissus a Generoso et nobili Domino Vencesilao Feldendorfero a Borotin, vocatus in Ecclesiam Nozdenicensem. — O. 16. Nov. Hunnius.
