Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
VII. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1595
125 460. Ego Simeon Stopecii oriundus ex Metropoli Boemorum parentibus tenuis fortunae natus, pie iactis fundamentis literarum primis in scholis patriae meae. Postea vero Pannoniam Trencinium causa studiorum profectus per biennium usus disciplina Doctissimi viri Jero: Sartorii, donec tandem maioribus studiis aptus a R. V. Jacobo Miiysseo Archidecano Guttembergensium pro suscipiendis sacris ordinibus in oppidum Saxoniae Witebergam expeditus. — O. 22. Sept. Gesner. 461. Ego Georgius Schmidelius Brisnensis Pannonius natus honesto patro Stephano Schmidelio, matre vero Sophia Mikovii, primum politioris literaturae fundamenta in patria ieci, tandem uberioris disciplinarum mercaturae in peregrinas expeditus oras, Galgocii sub ferula Dn. Georgii Seratorii biennium pene exegi. Hinc consilio fratris revocatus Trinchinium me contuli et ibidem sub disciplina clarissimi viri D. Hieremiae Sartorii quadriennium fere consumsi; inde Igla- viam experientiae maioris causa deveni et quadriennium praeceptore Dn. M. Joachimo Goltzio usus, Trinchinium denuo ceu postliminio salutavi. Ibi cum mensem unum atque alterum exegissem, opera praeceptoris mei Hieremiae Sartorii ad Magnificum Dominum Meli- cheorem Balassy sum commendatus et in Rectorem scholae adsci- tus. Hinc sumtibus meis qualibuscunque munitus Academiam hanc celeberrimam adii et annum sesquialterum in eadem transegi, unde per Doctissimum et clarissimum virum D. Sámuelem Melikium antehac vocatus in collegam sententiae eiusdem annui et me ministerio Ecclesiastico totum consecravi. — O. 22. Sept. Gesner. 462. Ego Hieremias Corodinus Nouizoliensis Pannonius fundamenter artium prima in schola patriae meae ieci. Postea missus sum a parentibus meis in scholam Tyropolitanam ibique sub disciplina domini Mathiae Thoraconimi per triennium operam literis dedi. Inde Iglauiam perueni et sub disciplina Clarissimi viri d. Magistri Joachimi Pistoris et Domini M. Pauli Haluipapii integros duos annos uixi. Tandem promotione parentum Wratislauiam deductus et Clarissimo viro domino Magistro Nicolao Steinbergero commendatus et ibi ultra biennium uersatus sum. Hinc Bohemiam reuersus Dei prouidentia factum est, vt a Reuerendo viro Domino Simeone Stephanide Hu8ineceno ad sacrum ministerii munus legitime uocatus et in dia- coniam Ecclesiae Gotieborzensis receptus sum. — O. 22. Sept. Gesner.
