Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
VII. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1594
117 Mezericio Prágám ad functionem paedagogicam vocatus, postquam ultra semestre in hac fuissem, allata mihi ad Rectoratum Scholae Homonnensis in Ungaria vocatione et suscepta iam Praga ad hoc profectione singulari Dei providentia ab Illustri et Generoso Dn, Dn, Carolo Seniore Barone a Zierotina etc. piae memoriae, filiis ipsius in Praeceptorem asscitus fui, in qua statione ultra quinquennium mansi. Denique cum adhuc eo in officio viverem et institutum propositumque voluntate heri mei cum discipulis Germaniam et reliquas terras salutare haberem, incidi in periculosum et diuturnum morbum desperate ideoque priori et vitae et conditioni valedicere coactus fui. Statim autem ab Reuerendo Domino Martino Boleslauino Pastore Holeschoviensi ad Diaconatum vocatus. — O. 19. August. Hunnius. 436. Ego Nicolaus Varadinus Prostannensis Morauus protestor manu mea a honestis et piis parentibus Patre Matheo Varadino Prostanensi et Matre Susannae me natum esse. Prima fundamenta uerae religionis Christianae feci in patria propria Prostannae, usus R. viri Domini Nicolai Petricidii Thaboreni Baccalaurei et R. viri Domini Magistri Jacobi Syxti Czaslauiensis et R. viri D. Joannis Khemeri Pelzeni, Reipublicae Prostannensis Ludirectoris opera. Deinde in officio Notarii in oppido Hrubizicensi sub Generoso Domino Georgio Seckera de Pisnicz ultra biennium mansi. Postremo ex patria mea Prostanna vocatus sum ad Diaconatum a Reuerendo et Doctissimo viro domino Jacobi Melissaeo Krteno pastore et Archidecano Gutte- bergensi et hinc examinatus in inclytam hanc Academiam missus sum. — O. 19. August. Hunnius. 437. Ego Georgius Bleicharinus Praerouiensis Morauus primum in schola patria puer existens didici literas usus Dn. Georgio Facilide huius temporis Rectoris scholae Praerouiensis modo vero Pastore Ecclesiae Lipnicensis, deinde praefui scholis in Scepusio, in Boemia, tum diuina voluntate Oppauiam ad officium Cantoris vocatus sum et suscepta jam Oppauiam ad hoc profectione, Dei prouidentia ab illustri et Generoso Domino D. Joanne Seniore Barone Geraltowsky a Geraltowicz, filiis ipsius in praeceptorem assertus fui, in qua statione ultra biennium mansi: tandem Hranicium ad officium Cantoris electus sum, quod ad hoc vsque tempus sustinui. Volente autem Deo iam a Reuerendo viro Domino Joanne Christophoro Praheno Pastore ecclesiae Hranicensis ad ministerium pro Diacono susceptus sum — 0.19. Abgust. Hunnius.
