Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
IV. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1593
124 eiusdem providae oppidum propter studia illic florentia, praeceptore inter alios usus Venceslao Lifornischleno fidelissimo. Tandem ubi patriam repetiissem, oblata paedagogia in arce Strela filiorum Generosi domini Petri Boribinsky per annum circiter illi praefui mediocri diligentia. Postmodum honesta adactus vocatione regimen scholae Lethowicensis suscepi. Indeque in oppidum Malyn evocatus itidem regimen scholae strenue sustinui per sesquiannum. Jam vero (non nisi volente Deo) honestissimorum et reverendorum virorum Venceslai Duramensis, Adami Spaceri, Martini Philadelphi petitione et vocatione adactus animum ad sacrosanctum ministerium adieci. -— O. 3 n. Trin. Hunnius. [1. Juli.] 417. Ego Melchior G i s k r a Rageczenus Pannonius natus in patria Ragecz honestis parentibus Nicolao Giskra et Dorothea matre Milochowska. Prima honestarum literarum elementa in patria a parente meo didici. Praefui scholis in Boernia, Moravia, vocatus autem sum ad ministerium Euangelii Jesu Christi ab amplissimo domini senatu Oppauiensi. — O. Leyser. [8. August.] 418. Ego Samuel H i er o n y m iad e s Banoviensis Pannonius honestis parentibus natus prima pietatis et studiorum fundamenta ieci Moschoviae sub disciplina clarissimi et de scholis optime meritorum virorum D. Nicolai Colacinatis piae memoriae et D. Alberti Husselii Prividiensis. Hinc missus sum Prividiam ad virum humanissimum atque doctissimum D. Matthaeum Lochmannum. Tandem profectus sum Strasam alias Neerer in Scepusio prope Tyropolim situm locum; usus sum praeceptore nobilissimo et de Ecclesiis ac Rebus pub. literariis optime merito viro Domino Gregorio Horwath aliter Stansith de Gradecz, item D. M. Conrado Gera, ex Academia celeberrima Argentoratensi ad regimen scholae illius vocato, ubi exegi quadriennium. Fui denique sub disciplina Reuerendi ac Clarissimi viri D. Severini Sculteti, tum temporis scholae Epperiensis moderatoris fidelissimi. Tandem amandatus sum a parentibus meis in celeberrimam hanc Vitebergensem Academiam, in qua per biennium ferme mihi vivere contigit, praecipue autem S. S. Theologiae studio addictus fui. Factum dehinc voluntate eius qui nutu regit omnia atque gubernat, ut hinc legitime ac mediate vocarer ad capessendum sacrosancti ministerii munus. — O. Hunnius. [zw. 8. Aug. und 16. Sept.] 419. Ego Paulus Grauius Tribouiensis Morauus hac mea manu testor me a piis et honestis parentibus Johanne Grauio et
