Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
IV. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1592
119 Ultimo (Deo ita res meas ordinante) ad ministerium Ecclesiasticum per Reuerendum virum Joannem Korynthinum Pannonium uocatus et testimonio doctorum virorum ac professorum Almae Academiae Pragensis ornatus. — 0. Hunnius. [16. Juli.] 404. Ego Venceslaus Prziehodsky Reginaehradecenus natione Boemus, honestis natus parentibus patre Stephano Fabro et matre Anna, mox a iuventute mea liberalium artium in patria ieci fundamenta, deinde adolescens factus nactus sum praeceptorem clarissimum atque excellentissimum virum D. Magistrum Thomam Caelenium Herzmanomiestecenum. Hinc post obitum ipsius contuli me Raconam ad Doctissimum virum dominum Baccalaureum Nicolaum Coneczium Jaromierzenum (per annum versatus sum apud eum). Illinc postea Pragam ad Divum Henricum ad praeceptorem D. Magistrum Adamum Rosatium Suhienum, sub cuius disciplina per biennium vixi. Postremo (Deo ita ordinante) ad munus ecclesiasticum et administrationem Sacramentorum secundum Filii Dei institutionem vocatus sum per Reverendum Virum Georgium Thesaczum Moscho- uinum. — O. Hunnius. [16. Juli.] 405. Ego Melchior Faschang Titschinensis honestis parentibus natus prima bonarum artium fundamenta in patria ieci, praeceptore usus sum viro humanissimo et doctissimo Paulo Behm. Deinde missus sum a parentibus ad capiendum uberiorem ingenii cultum Vratislauiar.-., ubi per sexennium literis operam dedi. Hinc in celeberrimam Vitebergensium Academiam me contuli, in qua uixi biennium et tandem, cum mihi deessent sumtus ad studia necessarii, in patriam redire coactus, ubi cum vixissem per aliquot septimanas meque in concionando exercuissem, uocatus sum a Barone in oppido Odera in pagum Petersdorf ad functionem Ecclesiasticam. — O. Wolfrum. [14. September.] 406. Ego Johannes Ris Hradisstienus natione Bohemus honestis natus parentibus, patre Johannes Ris et matre Lydia, ab his meis parentibus disciplinis scholasticis in Misena Ciuitate subiectus et in iisdem educatus sum. Postea proficiscens in loca Pannoniae, Schemnicium dumtaxat et Priutdiam, praeter liberalium artium studia religiosae pietatis fundamenta sub fidelissimis praeceptoribus ieci. Postquam autem in Boemiam patriam meam rediissem, cursum studiorum meorum pro ingenii mei tenuitate vrsi. Cum autem in humanioribus literis non contemnenda iecissem fundamenta, Deo
