Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
IV. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1591
112 385. Ego Michael Benedicti Dobrodinus Silesius prognatus honestis parentibus ad 15 annum usque in schola patriae sub disciplina Jacobi Jackovski uixi, tantem a parentibus meis ablegatus sum in scholam Nissensem, ibi sub disciplina M. Zachariae Oppoliensis per biennium literis honestis incubui. Tandem Mezritium in Marchio- natu Moraviae ueniens, ibi sub disciplina M. Caspari Kifferi Gold- bergensis per triennium uixi. Hinc euocatus ad labores scholasticos foeliciter praefui choro in oppido Lethouic per anni unius spácium. Daubraunicii item choro praefui unius etiam anni spácium. Vltimo uocatus Mezritium ibi per annos 7 foeliciter in eadem polytia uixi. Tandem euocatus ad labores Ecclesiasticos a D. Joanne Altae- mitteno pastore Magnae Bytesch in Morauia. — O. Pierius. [21. März.] 386. Ego Johannes Thaddeus Mezerziczenus Morauus, piis et honestis parentibus natus, primo in patria praeceptore D. Nicolao Starok, fundamenta pietatis ieci, deinde Prostannam missus causa dicendarum bonarum artium ibique per biennium versatus praeceptorem habui D. Adamum Simonidem Boleslaviensem. Hinc me contuli Pragam, ubi sub disciplina M. Stephani Turea Varnensis per annum honestis literis incubui. Inde migraui in hanc Almam Academiam Viltebergensem, ubi itidem per annum vixi. Cum vero sumptus mihi ad continuanda studia deficerent, Boemiam reversus sum ac veni Gottebergam ibique vocatus sum ad ministerium verbi divini a Reuerendo D. Syxto Candido Ecclesiae Guttebergensis Archidecano. — O. Pierius [anno aetatis 30.] Palmarum [28. März.] 387. Ego Christophorus Swägerus Carinthius Mil- stadenus, natus sum honestis et legitimis parentibus versatus sum primam in patria schola triuiali, quae est Himelbergii sub praeceptore Tiburtio Zare per anni curriculum. Deinde militaui Graeciae Stirorum sub disciplina M. Hieronymi Peristerii, in schola prouinciali sexennium. Tandem etiam in hac inclyta Witebergensi Academia per biennium fere, inscriptus Rectore M. Petro Albino historiarum professore. Functus sum aliquandiu scholastico officio sub nobilissimo viro Georgio Puhlero in Irnfrizdorff. Hinc sum vocatus ad diaconatum Ecclesiae quae est ad diuum Georgium in territorio Murauianio a Reuerendo viro domino Vito Stolio pastore et tota Ecclesia quae est ibidem. — O. Pierius. Mis. Dom. [18. April.] 338. Ego Daniel Ruckschlos Bozyngensis Vngarus, piis et honestis natus sum patre Wolffgango Ruckschloss qui in dicto
