Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XIV. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573. - 1589
249 Deinde legitime vocatus sum ad ministerium Euangelii Tassovium a Reverendo viro D. Brikcio Tajovino Ecclesiae Tassoviensis ministro necnon a Senatu Tassoviensi. — O. Voit. 23. Stg. n. Trin. [9. Nov.] 360. Ego Johannes Stanislai Koslensis Silesius prima fundamenta literarum honestarum in patria mea ieci. Consilio uero parentum meorum in Sepusium me contuli, sub D. Joanne Biliceno Rectore scholae Bodehrad: per integrum annum dando operam literis uixi, posthac ueni Neapolim in Marchionatu Moraviae, hic nixi sub disciplina Clementis Stipentii Kpslensis per quinquennium, ab hoc Rectore sum uocatus Lethouicium, functionem scholasticam suscepi, in officio mansi per biennium, posthac sum uocatus a Clarissimo viro M. Johanne Vrsino Rectore Illustris scholae Mezericenae cis Oslauam pro collega infimae classis, per biennium mansi. Nunc uero legitime sum uocatus ad ministerium Evangelii Kostelicium cis Oslauam in Bohemia a Reuerendo viro D Valentino Nigro Czuittauiensi Ecclesiae Kostelecensis ministro fidelissimo. — O. Voit. [26. Nov.] 361. Ego Tobias Gimpelius hac mea manu testor ad omnes me honestis et piis parentibus ex legitimo coniugio esse procreatum, Vadenhofii ad Ybsam in inferiori Austria, parente meo tum ministrum Ecclesiae repurgatae ac orthodoxae ibidem agente. Ibi etiam prima literarum fundamenta ieci veraeque pietatis capita cum a parentibus tum vero praeceptoribus meis fidelissimis D. M. Basilio Steinero et M. Joanne Engelharto hausi. Deinde morte ereptis meis praeceptoribus, viris utique doctissimis, a parentibus Styram, superioris Austriae urbem praeclaram in scholam ibidem celeberrimam missus sum, anno aetatis nono, ubi praeceptore usus sum viro Clarissimo D. M. Thoma Pegaeo et post eius obitum Clarissimo et solida doctrina praedito viro D. M. Georgio Mauricio Noribergensi, sub cuius disciplina vixi, donec anno domini 76, anno videlicet aetatis 16 Witebergam a parentibus mitterer, ubi biennium studiis operam dedi, sumptibus parentum. Deinde cum adversa valetudine diu conflictatus de consilio medicorum aerem mutare coactus fui, eiusdem recuperandae gratia. Itaque in patriam per veni, ubi triennium commoratus sum agens praeceptorem Illustrissimorum Comitum ab Ortenburg et Generosorum Baronum a Preesing. Illinc avocatus literis parentum Argentoratum missus sum, ubi biennium fere sumptibus
