Buchwald, Georg: Wittenberger Ordiniertenbücher. Jahrbuch für die Geschichte des Protestantismus in Österreich. 1895-1903.
XI. Beiträge zur Kenntniss der evangelischen Geistlichen und Lehrer Oesterreichs aus den Wittenberger Ordinirtenbüchern seit dem Jahre 1573
Deinde in schola Schembvicensi in Montanis Pannoniae sita triennium ingenuis artibus operam posui. Posthac Vratislauiae in schola Eli- sabethana annum consumsi. Tandem in Liuoniam naui proficiscens munere scholastico biennium functus sum. Postremo in Silesiam rediens a Generoso domino domino Bernhardo Freidentalensi ad Ecclesiae ministerium uocatus et in celeberrimam hanc Academiam missus sum.— O. Widebr. [24. Mai.] 13. Ego Daphus Pardubicenus Boemus primum operam literis dedi Raconiae, deinde Pragae in parua parte per triennium, tandem uocatus sum ad ministerium Euangelii in ciuitatem supra nominatam Pardubicensem. — O. Widebr. [7. Juni.] 14. Ego Johannes Braunerus Julimontanus Morauus prima mea fundamenta literaria et semina pietatis in patria hausi. Et tandem relicta patria mea Cracouiam ad uberiorem bonarum literarum fructum capessendum me contuli et per totum septennium ibidem honestis studijs inuigilaui. Inde vero rediens in patriam conditionem scholasticam Müglitij mihi oblatam suscepi eamque pro tenuitate ingenioli mei fideliter per biennium administraui. Relicta tandem illa conditione ad exteras nationes, praesertim in superiorem Germaniam ad perlustrandas Academias, item ad uidendos et audiendos viros claros profectus sum. Reuersus deinde in patriam bene praemeditatus ex multis uariisque probatis mihi optimum quodque genus uitae elegi, vel vt possem agere salutare organon Ecclesiae CHRISTI, per quod gloria nominis diuini apud rudiores innotescat, illustretur Ecclesiaeque salus propagetur. Ad quod Ecclesiae ministerium principio a Deo, Patre domini nostri Jesu CHRISTI et ab Illustrissimo Principe Carolo Principe Miinsterbergensi uocatus sum. — O. Widebr. [7. Juni.] 15. Ego Seraphinus G o s n o u i c e r u s Leutschauiensis prima elementa liberalium artium et praecipua capita Christianae pietatis in patria didici. Deinde ab inclyto Senatu Leutschauiensi (quod oppidum est Sepusiorum ad radices Carpati ac paret Serenissimis regibus Hungáriáé) in Academiam Witebergensem sum missus, in qua cum annos quatuor et menses octo continuos studiis operam nauassem, ab eodem Senatu rcuocatus ad functionem ministerii in Ecclesia Leutschauiensi. — O. [21. Juni.] Ifi. Ego Simon Ta sch n er u s Transyluanus Coronensis fateor me prima initia liberalium artium in patria didicisse operamque inde-
