Buchwald, Georg: Wittenberger Ordiniertenbuch 2. 1537-1572. Leipzig 1895.
Incipit Annus a nato Jesu Christo
3. Dezember. 1572. 3. Dezember. 191 1258. Ego Martinus Trisnerus Budissinus primum in patria, deinde Misenae, postea Lipsiae didicj, Hinc uocatus Laubam iuuentutem scholasticam ultra quinquennium docuj, Tandem a Senatu eiusdem loci ad munus docendj in ecclesia Dei uocatus testimonium publicae ordinationis a Reuerendo D. D. Friderico Widebramo pastore ecclesiae Witebergensis accepi Anno 1572 Tertio Non: Decemb. 1259. Ego Benedictus Heynemannus Jutrebocensis primum in patria, deinde Halae cis Salam, Brunonisuigae, Magdeburgi & Freybergae in triuialibus, postea Franck- fordiae operam literis dedj. Hinc ad paedagogiam in arce Jutrebocj, postea ibidem ad ludi literarij Tertianum, denique ad scholae Storckauensis in inferiori Lusatia gubernationem uocatus iuuentutem doctrina et honestate morum informaui. Postremo a nobilibus de Klitzing uocatus ad Ecclesiasticam functionem in pagis Freuden et Marckendorf testimonium publicae ordinationis a Reuerendo D. D. Friderico Widebramo pastore Ecclesiae Witebergensis accepi Anno 1572 Tertio Non: Decemb. 1260. Ego Melchior Weiglerus natus sum in vrbe Vratislauia parentibus Casparo Weiglero patre ministro verbi Dei et ciue ibidem et matre Elizabetha filia Cla- riss: viri Dn. Andreae Wingleri gubernantis studia pueritiae in annum iam fere quinquagesimum. A teneris adhibitus studijs piae & eruditae doctrinae in schola patriae, ijsdem praeceptoribus prima artium dicendi praecepta mediocriter cognoui. Consecratus uero ijsdem studijs a Sanctissimo Melanthone, postquam more usitato Anno Christj HDLVIII (quo cum patre Witebergae eram) initiatus essem, pertexuj ea in celebri academia Witepergensi, in quam de praeceptorum consilio parentumque uoluntate Anno Christj MDLXIIII redij & ibi denique in annum usque nonum commoratus sum, quod tempus uniuersum et discendae Philosophiae & doctrinae salutis impendi. Atque hoc ipso temporis spacio Academia quoque multo quam antehac inuasiones hostium experta est atrociores, cum et Aldepurgi Academiae hostes conuenissent non ad explicandam de praecipuis doctrinae coelestis articulis ueritatem, sed ad fucandos & palliandos errores (sub quod ipsum tempus Decano Reuerendo & Clarissimo uiro Dn. Mathaeo Blocliin- gero suffragante Collegio Philosophico bonarum artium Magister sum declaratus & in eundem promotus die aequinoctij verni) & deinceps aedita in Academia a Schola Theologica Cathechesi nescio quid errorum, quod in illa contineretur fingere et comminisci impudenterque in vulgus ambiguum spargere cepissent Flacciani quidam atque alij etiam, quos etsi nominis puderet quidem, doctrinae tamen defensores strenuos sese declararunt. Sub hoc ipsum tempus rebus ita turbatis et uere ijtl £t]qov consistentibus, ut et antea cognoscere praesentium temporum certamina et conferre cum verbo Dei et orthodoxa Ecclesia ductu praeceptorum ali- quomodo studui. Ac comperi re ipsa consentientem esse uocem praeceptorum nostrorum in Academia cum uerbo Dei & orthodoxa antiquitate uniuersa. Vt autem in alijs doctrinae coelestis articulis constanter profiteor me sequi normam quae in Sacris literis continetur quaeque multo studio magnoque labore comprehensa est in confessione exhibita Augustae Carolo V. Imperatori Anno M.D.XXX. et repetita in Confessione exhibenda Concilio Tridentino Anno MDLI: ita testor me de illis controuersis articulis ita sentire ut in hac norma et toto corpore doctrinae Ecclesiarum subiectarum ditioni Illustriss. principis Electoris Saxoniae docetur. In qua etiam confessione uera & orthodoxa deinceps perseuerare constitui & ut perpetuo possim oro toto pectore et neris gemitibus filium Dej. custodem, defensorem et protectorem Ecclesiae sedentem ad dextram aeterni patris, ut det dona uerbi ministro. Quod autem aliquandiu sumtibus Inclytj Senatus in Academia nostra uixissem, ab eodem reuocatus sum ad munus docendi in Ecclesia in vrbe
