Buchwald, Georg: Wittenberger Ordiniertenbuch 2. 1537-1572. Leipzig 1895.
Incipit Annus a nato Jesu Christo
21. September. 1572. 4. Oktober. 185 dedi literis in schola Elysabethana sub praeceptoribus M. Andrea Wincklero et M. Baltbasaro Neandro, D. Dauide Reinischio. Commoratus sum Vratislauiae sex annis, sustinui etiam conditionem Astantis in templo D. Mariae Magdalenae 4 annos. Abhinc vocatus sum in oppidulum Peitz Anno 69 in inferiori Lu- satia situm, ubi egri Moderatorem pueritiae duos Annos. Tandem Anno 1572 circa festum Jacobi Apostoli accepi legitimam vocationem Ecclesiasticam in pago Reichwald circa Budissinam sito a nobilibus et Collatoribus istis Ecclesiae a Dominis Johanne, Gunthero et Seyfridio a Mezenrad, et p. r. o. c. sum a Domino Friderico Widebrando S. Theologiae Doctore et pastore Ecclesiae Witembergensis Anno a nato Christo supra Milesimum Quingentesimum Septuagesimo Secundo Die 21. Septembris pridie publice cum alijs duobus examinatus. 1232. Ego Bartolomeus Goske Lignicensis educatus in patria pia disciplina domestica ueni sub Magistro Andrea Wincklero in scholam Wratislauiensem discendi gratia, ubi primis literarum elementis instructus annos aliquot contuli me Witebergam anno 1567 & remansi usque ad annum 1568. Deinde reuocatus sum in patriam, rursus missus sum ex patria cum D. Doctore Hamelio Tubingiam sub qua disciplina annum & dimidium nixi, donec anno 1572 redirem in patriam, contionem habui in templo ad diuum Petrum in vrbe Lignicensi. Hinc a duobus nobilibus a Wartau, Altjeschwitz, Leuthen &c. nomine Wenceslaus Magnus de axlebesforwitz uocatus sum ad ministerium in Altjeschwitz, r. o. c. sum a Re- uerendo viro Domino Friderico Widebrando doctore sacrae Theologiae & pastore Ecclesiae Witebergensis Anno 1572 Die 20. Septembris pridie publice cum alijs duobus examinatus. 1233. Ego M. Stephanus Henel Oppauiensis publica institutione formatoris studiorum in patria ab annis puerilibus usus mature in celeberrimum Ludum Wratislauiensem ablegatus sum, ut initia artium foelicius ibi addiscerem. Hic postquam totum triennium uixissem, inde maturescente aetate in hanc Academiam piorum foelicissimam nutriculam ueni, in qua annos totos sex audiui Doctissimos Dominos praeceptores non tantum philosophiam fideliter docentes, sed etiam ueram doctrinam de Deo summo studio propagantes. Tandem ad munus docendi in Ecclesia in Freudenthal Silesiae uocatum consueto ritu ordinationis ad illud admisit et confirmauit Reuerendus vir D. Doctor Fridericus Widebramus Ecclesiae Witebergensis Pastor 4 die octobris Anno 72. Filium Dei oro, ut faciat me cxtvog ekéovq. Amen. 1234. Ego Paulus Koppius Nimicensis postquam puer in patria schola fundamentum pietatis et grammaticae posuissem, anno aetatis meae XIIII. ablegatus fui in celeberrimum gymnasium Electorale Misnense, ubi munificentia et beneficio Electoris Saxoniae Augusti totos sex annos nixi et sub disciplina Doctiss. ac clarissimi viri Georgij Fabiicij Chemnicensis fui. Inde unum annum uersatus in Academia Witebergensi proprijs sumptibus. Mortuo patre meo coactus sum me conferre in regionem peregrinam quaerendae conditionis causa. Ibi cum aliquan- diu fuissem functus officio paedagogi apud quendam nobilem, tandem ab eodem uocatus ad docendum Euangelium in Ecclesia Blomenhagiensi in regione Megal- burgensi. Testimonio igitur uocationis ab his nobilibus accepto videlicet Berent de peccatel et Christoph, de peccatel Witembergae [so] missus atque ibi post examen publicum solito more ordinatus atque in numerum sacerdotium Christianorum cooptatus sum Sub R. viro D. Frid. Widebramo pastore ibidem Anno christi 72. 4. Octöb. Anno aetatis meae 24. Oro filium Dei, ut faciat me óxevog ékéovg rod &£ov et organum salutare Ecclesiae christi. Buohwald, Wittenbg. Ordiniertenbuoh II. 24
