Fabó András: Monumenta evangelicorum Aug. Conf. in Hungaria historica III.
IV. Comitatus trenchiniensis - Sectio II. De ecclesiis in oppidis
117 praeerat Daniel Dubravius, S. Martini antea pastor; tandem anno 1647. per leges regni iterum nostris consignatum. Verum breve fuit possessorium evangelicis, qui in actis diaetae anni 1681. deperditas libertates in vanum querulabantur. 13) Pruszka Seu Prussi, arcis Oroszlánkő, ditionis dominorum Jakusith, ab initio reformationis evangelicorum oppidum. Nicolao Palladis ministro hic existente dominus Andreas Jakusith et Juditha, comitis Georgii Thurzó filia, ab anno 1607. ejus consors, munifici fuere erga ecclesiam, in cujus templo praefatus dominus, anno 1623. 28. oct. mortuus, 12. nov. sepultus jacet. Circa annum 1660. domina Maria Forgács, opera jesuitarum ademto templo, demandavit vim extremae persecutionis. 14) Puchő. Cum Lednicz fere et quoad ecclesiam eadem fata habuit, in eodem existens dominio. Inter pastores seculi sexti decimi clarus fuit Paulus Miticenus, anno 1596. vicearchidiaconus nostrarum ecclesiarum. Ex reliquis memorabo solum anno 1611. Joannem Hlos- kitius, anno 1616. Stephanum Mitis, anno 1633. Sámuelem Paulini. Anno 1643. dominus Georgius Rákóczy bohemos et mora vos hic illocabat, qui divexati anno 1647. confessioni helveticae subscribebant et regni articulis confirmati sunt, prout et Szakolczae. Annus 1673. et his, citato pastore ad judicium posoniense delegatum, ut- pote Nicolao Nigrini, quem praecessit Daniel Perliczy, excidium libertatum adtulit. Sub motibus Tökölyanis Jonam Coledanum delegerant pastorem, cui mox surrogatus Joannes Frideczky plebanus usque annum 1704., quo reverendus Paulus Major nostros, Stephanus Tretius calvinianos, Stephanus Nozdroviczky romano-catholicos obtinuerat, jussu male contentorum, docendos, ultimus potius est in possessorio, anno 1709. prioribus ejectis. Quam anno 1730. oppidani perpessi sunt propter religionem vexationem, procuratam per dominum Ladislaum Mattyasovszky, supra attigimus; sed cessavit dolor indulgentia patris patriae Josephi II. accedente, quae hos quoque anno 1784. libertate privati exercitii donavit gratiosissime,
