Fabó András: Monumenta evangelicorum Aug. Conf. in Hungaria historica III.
III. Comitatus arvensis - Pars specialis - Sectio I. De ecclesiis in oppidis
84 Pars specialis. Sectio I. De ecclesiis in oppidis. 1) Árva. Arx et oppidum adjacens unam olim constituebant ecclesiam. Illustrissimus comes Georgius Thurzó reaedificata arce, ad splendorem hujus, praedicationem evangelii necessariam reputavit; quare anno 1611. die 15. mensis tnaji, inquit in Diario suo Závodszky, solenni ceremoniarum ritu, in arce Arva sacellum denuo exstructum et adornatum dei optimi maximi honori et cultui dedicandum et consecrandum curavit. In pastorem coetus nobilioris delegerat comes Michaelem Crispini, celebrem scholae bitschensis rectorem; hoc Solnam translocato, Georgium Grossmann, anno 1614. Adamum Corodiny; post fata magni patroni vidua ipsius, domina Elisabetha Czobor, anno 1618. ex schola banovicensi Dánielem Paulini ministrum praefecerat. Patrona recedente Trenchinium anno 1620. comes Emericus M. Gregorium Lányi delegit, quem Michael Sinapius Martinus Levius, Georgius Tranoscius, Martmus Sinapius exceperant. Hic jussu comitis Stephani Tököly in oppidi parochiam illo- catus, Martinum Kurany et Joannem Petrovics habuit successores, capella autem arcensis administrabatur per concionatores, saepe cum domino patrono habitationem mutantes, inter quos celebriores fuere: Nicolaus Clementis, anno 1658. Joannes Andreae, anno 1668. M. Adamus Lazius, antea collegii eperjesiensis eloquentiae professor publicus, ut testatur applausus votivus per collegas eper- jesienses eidem Lazio dicatus. Anno 1620. die 3. dec. mortuo comite, jam ob insimulationem conspirationis obsesso, mox in captivitatem ducta est omnis hic libertas religionis atque subsequente anno plebanus illocatus. Sub tumultibus mater haec ecclesia cum filia simul Pribiss dicta, kubiniensi aliquamdiu adhaerebat, in plenum usum amplius nunquam reposita.
