Fabó András: Monumenta evangelicorum Aug. Conf. in Hungaria historica III.
I. Comitatus gömöriensis - Sectio II. De ecclesiis in pagis
— 46 40) Vlachovo (Lamperti villa, Oláh-Patak.) Cum filia Gócs, inter primas a tempore reformationis ecclesia, depopulationibus turcicis saepius adflicta, res pastoris igni traditae, singula devastata. Initio seculi prioris optime meritus est de reducta ecclesia Petrus Sexti minister, conscriptosque singulos proventus parochiae anno 1610. inter documenta venerabilis fraternitatis reposuit, anno 1645. filialis recenter erectum templum anno 1791. iterum reaedificatum consecrandum curavit dotemque pro ejusdem conservatione constituit. Dominus N. Andrásy anno 1662., ut status exponunt in actis comitiorum anni 1662., ministrum (Stephanum Francisci) exturbari, incolas compedibus implicari inque arce Krasznahorka, quoadusque coemeterii et parochiae claves traderent, detineri curavit omniaque occupavit in matre et filia, jesuitam, reclamantibus incolis, induxit. In his adversitatibus vigil senior diligenter per vicinos pastores sacrorum exercitium continuandum jussit, in diversis foris causam ecclesiae promovit, absque successu tamen. Ingruente decennali persecutione ex latitantibus ministris subvenit huic adflictissimae Jonas Blaho et ad annum 1687. constanti animo continuabat usum per idque ab interitu etiam liberavit in tantum, ut subsequentes etiam mutationes, anno praesertim 1740. per dominum Josephum Andrásy attentatae, parum ei nocuerint ad nostra tempora. Pastores hujus jam adnota- mus : anno 1564. Albertus, 1590. Stanislaus, 1602. Petrus Sexti, 1607. Matthias Raskoviczius, 1610. iterum Sexti, 1615. Andreas Fabricius, 1625. Petrus Zarevuczius, 1639. Georgius Marci, 1649. Martinus Lihany, 1656. Stephanus Francisci, 1670. Jonas Blaho, 1687. Andreas Sexti, 1705. Samuel Marcelli, 1711. Andreas Leporini, 1737. Paulus Mikovini, 1738. Joannes Fábrí, 1751. Matthias Prúni, 1779. Georgius Schulek, 1783. Matthias Lányi. Ultimam locum ecclesiae aulicae occupare deberent, quas habuit hic comitatus in Muráoy, Balogh et Krasznahorka arcibus. Singulas ut publicas matres attigimus superius cum patronis, qui dotabant parochias, quare non repetimus amplius.
