Fabó András: Monumenta evangelicorum Aug. Conf. in Hungaria historica III.
I. Comitatus gömöriensis - Sectio II. De ecclesiis in pagis
28 perdurante, omnis sublata libertas, sub tumultibus anno 1683. usum exercitii reduxerant; quo iterum anno 1702. per rosnavienses je- suitas et dominium privati, pastor rebus suis spoliatus, ad carceres deductus fuit. Anno 1705. per malecontentos templum his restituebatur ; paulo post per dominum Paulum Andrásy occupatum, pastore ad annum 1712., quo ultimum exilium evenit, permanente. Aetate nostra aedificato oratorio polomensi ecclesiae vigore tolerantiae adhaerent. Pastores Betlér habuit : anno 1609. Christianum Floriani, anno 1626. Michaelem Paulini, anno 1632. Jacobum Holium, anno 1638. Petrum Zvaroviczium, anno 1646. Balthasarum Gallik, anno 1651. Joannem Stephanidae, anno 1660. iterum Holium, anno 1683. Matthiam Fabricium, anno 1705. Tobiam Hrebenda. 4) Beje. Longa serie annorum habuit lutheranos pastores, ex quibus sequentes : anno 1616. Michaelem Claudiopolitanum , anno 1618. Petrum Blasium, anno 1622. Petrum Sartoris, anno 1628. Sámuelem Astronomy, anno 1633. Andreám Báni, anno 1637. Georgium Piscatoris. Sub ultimo sensim subintrabat Calvini doctrina, existente pago in dominio domini Andreae Viczmady, quae dum praevaluisset, anno 1641. inductus fuit minister calvinianus, causa cujus clandestinae occupationis fraternitas scripsit inhibitorias ad Casparum Geley seniorem Szikszóviae habitantem, verum sine effectu. Mox et otrokocsienses ad se pertrahere voluissent, sed vindicavit hos diu venerabilis fraternitas gömöriensibus addictos. 5) Bisztró. Qua filialis ecclesia, templo gaudens, ad annum usque 1636. Ratkóviam habuit matrem ; institit tandem apud venerabilem fraternitatem cum pagis Filir, Krokava, Gerlicze, pro libertate inducendi ministrum, quam, examinatis in concursu publico die 2. junii in Bisztró habito causis, facile obtinuit. Ita ordinata dominis terrestribus a potiori parte evangelicis existentibus, perpetuum et sub persecutionibus retinuit usum exercitii ad praesens tempus, quo anno 1788. amplum aedificavit templum. Series pastorum hujus est : anno 1636. Georgius Lányi, anno 1639. Georgius Paulini, anno 1670. Nicolaus Nohaides*), anno 1688. Georgius Subsilvani, anno 1704. *) Hornyanszkynál i. m. 26. 1.: Rohaides.
