Fabó András: Monumenta evangelicorum Aug. Conf. in Hungaria historica III.

IX. Comitatus zoliensis - Sectio II. De oppidanis ecclesiis

295

bant. Motibus in patria durantibus induxerunt ministros, quorum curae simul Dobronyiva, Muolcsa et Dubravicza suberant. Anno

1708. vi legis omnis cessabat libertas. Josephus II. his quoque admisit usum privatum exercendae religionis, cui modo praeest Michael Blázy et habet filias Dubraviczam cum Oravicza.

7) Radvan.

Fere per sesqui seculurn templo in colle locato, modo romano- catholicorum, utebatur pacifice, patronis ex illustri gente Radvan- szky illud repurgato evangelio donantibus. Hi semper diligenti munificentia procurabant ecclesiam et speciatim anno 1578. domini Georgius et Franciscus Martinum Alitis, delectum pastorem, cum testimoniis Georgii Melczer, pastoris neosoliensis, anno 1581. Mel- chiorem Cantoris, per Bartholomaeum Ocsovszky pastorem, in diaconum vocatum, pro ordinibus Vittebergam suis sumptibus expediebant. Circa annum 1588. Josephus Rascenus, tandem Andreas Lihany, anno 1636. Daniel Hodikius, alios brevitas ex protocollo describendos non admittit, sacrorum ministri fuerant. Dánielem Sinapium sententia judicii delegati posoniensis anno 1673. ex Hungária et hac ecclesia exulem fecit. Anno 1683. ex Polonia, ubi scholam bojanoviensem docuit, revocatus, hic docuit iterum, quoad Leut- schoviam translatus, Joanni Simonides a triremibus reduci pascendam tradidisset ecclesiam, cujus templum iterum occupatum exstitit, patrono in laniena eperjensi enecato. Anno 1702. Joannes Zelenka, anno 1704. Joannes Glosius praeerant coetui sacro ; hic jussu ducis Heister anno 1710. parochiam, Martinus Regis scholam penitus evacuare debebant. Hac aetate fruuntur beneficio privati exercitii, existente pastore Samuele Ambrosius, cum adjectis vicis: Kírály- falva, Illésfalva, Prsan, Körmöcske, Malachov, Skubin, Jabrikova, Králikfalva.

8) Szalatna. (Nagy).

Oppidum dominii Végles perillustris familiae Prónay, sacris evangelicis addictae; translato dominio ad comitem Csáky, per dominum Ladislaum circa annum 1639., expulso pastore Christ. Pe- lárgus, templum ademtum fuit. In comitiis anni 1647. decreta, imo statim etiam effectuata ejus restitutio: non quievit nihilominus ze-