Fabó András: Monumenta evangelicorum Aug. Conf. in Hungaria historica III.
I. Comitatus gömöriensis - Pars specialis - Sectio I. De ecclesiis in oppidis
20 zéte, jam calvinianam, confessione edita in templo domini sacrosanctae trinitatis, itidem in filiam recepta est; aliis filialibus jam avulsis, ut suis in locis infra occurret. Acta visitationis anno 1670. notant, ad templi proventus 133. agros, prata 58. pertinere; singula haec surripuit avara manus. Decennalis persecutio exercitium religionis hic sufferre non poterat, civibus adhuc tributariis tureae exi- stentibus, quare et anno 1680. die 1. oct. tutissime hic conveniebat fraternitas. Sub sequentibus motibus in patria csetnekienses stabant immoti. Anno 1746. tandem procella exoriebatur, his et dopschen- sibus pernitiem adlatura, nisi vigilassent. Infensus rebus evangeli- corum liber baro Franciscus Andrásy, per dominum Stephanum Razlaviczy, tabulae regiae notarium, mandato impetrato, strictam inquisitionem peragendam fecit de usu exercitii religionis apud csetnekienses ; nostri itidem excellentissimi domini judicis curiae regiae dispositione impetrata, contrainquisitionem meliori conscientia peragendam faciunt. Negotio ad excelsum consilium promoto, iterum inquisitio demandata inclyto comitatui, praesertim quoad pretiosas res templi csetnekiensis; sed prudenti opera domini Matthiae Bodo, domini Caspari Szontagh, superata sunt singula et admissa romano- catholicis templi aedificatione, nostri confirmati vivunt summa in pace. De afflictionibus filialis Rekenye, cujus usus anno 1774. turbatus fuit, jam superatis, brevitas scribere non admittit. Addam solum, omissis diaconis, pastores in sua serie : anno. 1590. Daniel Vaindling, anno 1596. Elias Danielis, anno 1602. Andreas Fabricius, anno 1605. Martinus Vaxmann, anno 1608. Petrus Sexti, anno 1610. Elias Danielis, redux Váralja, anno 1614. Petrus Mollerus, seu Edenfy, anno 1616- iterum Petrus Sexti, anno 1625. Jacobus Holius, anno 1632. Andreas Dubniczay, anno 1636. Martinus Vaxmann (ultimus germanicus pastor, reliqui per decursum seculi XVII. slavico hungarici) , anno 1639. Joannes Piscatoris, anno 1645. Matthias Remenikius, anno 1664. Martinus Francisci, anno 1671. Valentinus Geletneky, anno 1681. Joannes Szentkereszty, anno 1683. Samuel Michaelides, anno 1686. Andreas Bodo vinus, anno 1709. Samuel Antoni, anno 1738. Georgius Ambrosius, anno 1754. Jacobus Tubel, anno 1754. Elias Kubinyi, anno 1756. Paulus Major, anno 1759. Georgius Micsinszky, anno 1762. Samuel Institoris, anno 1789. Samuel Kosányi, anno 1791. Andreas Pazár.
