Fabó András: Monumenta evangelicorum Aug. Conf. in Hungaria historica I-II Pest 1861-1863.
II. kötet - ADVERSARIA - SECTIO III. - CAPUT X.
168 1746. peregit Stephanus Razlaviczy, tabulae regiae judiciariae juratus notarius. Nostri, ne rebus evangelicis defuisse censeantur, in primis spect. condam senior Samuel Draskóczy de Eadem, Joh. Lányi, Matth. Bodó de Eadem et Caspar Szontagh, excell. com. judicem curiae exorabant, quo aliquis juratus tabulae regiae judiciariae notarius ad instituendam, uti vocatur, contrainquisitionem expediatur. Optimus comes non tantum postulationi nostrorum annuit, sed etiam pro singulari prudentia sua praecepit, ut Stephanus Péchy de Eadem eodem officio defungatur, qui commissa sibi functione 4. Dec. an. 1747. meliore conscientia in op pido Csetnek defunctus est. Yix haec peracta sunt, generalis vicarius strigoniensis Stephanus Nedeczky, talem dedit ad exc. consilium regium locumtenentiale epistolam: Excelsum regium locumtenentiale Consilium! Ex isthic humillime adnexis duplicis ordinis inquisitionibus uberius perspicere dignabitur exc. regium locumtenentiale consilium, qualiter ecclesiae nonnullae et signanter ecclesia oppidi Csetnek inc. comitatui gömöriensi adjacentis, cultui divino et orthodoxae religionis cultorum pietati destinata, una cum sibi adjuncta pretiosa supellectili sacra, occasione praeteritorum in regno hocce apostolico infaustissimorum motuum, in potestatem adversae religioni adhaerentium devoluta exstiterit ac hodiedum ab augustanae confessioni addictis justo cum animi dolore nostro teneatur, cujus revindicandae ac primaevo fidelium catholicorum usui restituendae intuitu, dum praepotens exc. consilii regii locumtenentialis auxilium humillime imploro, omni cum submisione maneo Excelsi regii locumtenentialis humillimus servus et deConsilii votissimus *) capellanus Stephanus Nedeczky, generalis vicarius capitularis m. p.. Uti exc. consilium regium locumtenentiale provehendis rebus suis nunquam deest: ita inc. comitatui gömöriensi haec in mandatis dedit: Illustrissimi, reverendissimi, spectabiles ac magnifici, perillustres ac generosi, domini nobis observandissimi! Ex isthic adnexa generalis vicarii strigoniensis informatione huic- que adjectis inquisitionibus uberius patet, qualiter acatholici ingentes *) Ribayuál: devinctissimus.