Fabó András: Monumenta evangelicorum Aug. Conf. in Hungaria historica I-II Pest 1861-1863.
II. kötet - Tristissima ecclesiarum Hungáriae protestantium facies
375 considerassemque salutis tantarum animarum pretioso Christi san- gvine redemptarum jacturam, qua sese vel aperta evangelii abne- gatione privabant, vel damnanda tepiditate et cum veritatis liosti- bus in rebus fidei collusione, sui ex ore Christi ejectionem sibi attrahebant; observassem porro multo majorem in seducendo, quam multorum pastorum in custodiendo et defendendo grege domini sedulitatem: nec ignota mihi essent adversariorum consilia de protestantium religionis ex Hungária, si non totali exstirpatione, saltem doctorum ecclesiae expulsione, templorumque omnium successiva ademptione; bine vicit carnem spiritus, ut adeo existimaverim meo me minime facturum satis officio, nisi libros illos in lucem emisero, immo me ad dandas coram tribunali Christi rationes adactum iri, si tot tantasque animas, quae librorum istorum lectione in salvifica fide conservari poterunt, ex importuno metu, inordinatoque mei ipsius amore neglexero. Contemptis proinde omnibus, quae jam in animo meo superaveram, periculis, libros transpositos prelo in Saxonia an. 1744. subjeci, usibusque publicis consecravi, qui etiamsi nullum alium tulerint fructum, praeter illum, quem jam in Hungária observavi, mihi sufficit. Temeritatis hac in causa insimulari vel ideo non possum, quod similium librorum editio nullo regio mandato, nullaque regni lege est prohibita, siquidem non sunt libri vel seditiosi publicamque tranquillitatem turbantes, vel regiam majestatem laedentes, tametsi in Hungária, ut quidam prudenter monuit, jesuitam offendere sit crimen laesae majestatis committere. Accedit, quod tolerata in Hungária protestantium religione, media quoque ad ejus conservationem servientia toleranda esse, nemo, spero, negare praesumet. §. 15. Diffiteri quidem nequeo, me tam in Hungária, quam Silesia observasse non postremae autoritatis viros ex dominis in- primis politicis, qui hocce meum factum improbare magis, quam approbare videbantur, pro suae opinionis argumento adducentes, in ecclesia pressa, qualis est in Hungária, consultius fore a similium librorum publicatione in totum potius abstinere, quam iisdem adversarios magis adhuc irritare. At enim vero, sciverint boni isti domini, nos romano-catholicos non habituros amicos, etiamsi ipsis semper bona verba dederimus; quin potius, donec cunque sumus atque erimus lutherani et reformati, semper eri