Fabó András: Monumenta evangelicorum Aug. Conf. in Hungaria historica I-II Pest 1861-1863.
II. kötet - ADVERSARIA - SECTIO III. - CAPUT II.
137 An. 1625. Christina Nyáry, proregis consors, de qua jam in antecedentibus dictum, quod satis est. An. 1630. Adamus et Michael Thurzó, Stanislai filii. Hos blandis verbis suis in errorem induxit Hungáriáé prorex, Nicolaus Eszterházy, postquam sibi Christinam Nyáry, comitis Emerici Thurzó relictam, sacro matrimonii foedere conjunxisset. Ita enim de eo autor Palatii regni Hungáriáé palatinorum part. II. pag. 112. commentatur: „Ipse apostoli munere fungens, multorum animis errores Lutheri Cal vinique exemit, multorum salutem vindicavit. Thurzónes, praepotentes superioris Hungáriáé viros, ecclesiae romanae eloquentia sua restituit, ut jure quam optimo alter Pázmánus dici mereatur.“ Mea sententia exigua admodum haec laus est. Paulus enim apostolorum facile princeps ad Corinthios non venit in sublimitate sermonis aut sapientiae, neque sermo ejus et praedicatio consistebat in eloquentia et persvasibilibus humanae sapientiae verbis; sed in ostensione spiritus et virtutis, ut fides Corinthiorum non sit in sapientia hominum, sed in virtute dei, uti ipse testatur 1 Cor. II. 4. 5.. Hinc non profana eloquentia, sed verbo dei, quod est potentia ad salutem omni credenti, rom. I. 16., convertendi erant Thurzónes. Qualia enim sunt media conversionis, talis et ipsa conversio. An. 1632. Adamus Batthyányi *). An. 1638. Gabriel Palocsay et Stephanus Haller. An. 1642. Emericus Perényi et paulo post**) Alexius Barkóczy. An. 1650. Stephanus, Ladislaus et Alexius de Róva et Franci- scus de Nádasd, comitis Pauli Nádasdy, magni patris degener filius. An. 1656. Paulus Fáucsius. An. 1663. Caspar Szécsyus, et demum Ladislaus Listhyus, Fran- ciscus Rákóczyus, Georgii minoris filius. De his videri potest Franciscus Kazy, S. J., in Historia regni Hungáriáé lib. II. pag. 131. seq.. De reliquis, quos aeque dignitates et gloria mundi a veritate evangelica separavit, supervacaneum est dicere; adscribam tamen posteritatis gratia aliquos. An. 1618. Nicolaus Eszterházy, evangelicis parentibus natus et *) Erről Dolesch álnál még : quem tamen an. 1634. a reformatorum sacris defecisse scribit Lampe praetereaque addit, eum in universa ditione sua regioneque cisdanubiana instituta persecutione, intra quindecim dies omnes ecclesiae ministros excedere jussisse. **) Doleschalnál: ante.
