Haan, Ludovicus: Jena Hungarica, sive memoria Hungarorum a tribus proximis saeculis Academiae Jenensi adscriptorum. Gyula 1858.
PERIODUS TERTIA ab A. 1780–1817
101 Joh. Waechter, Cibinio Hung. Factus est procedente tempore Consistorii caes. regii Aug. Conf. addictorum Consiliarius primarius, item Superattendens ecclesiarum in Austria inferiori, Styria, Illyria et Lombardia, Director instituti theologici protestantium, atque pastor primarius ecclesiae evang. A. C. Viennensis. Typis edidit conciones suas sacras. Bernhard. Szabadi. Samuel Toperczer. Vicissitudines vitae, dum ad sacrum ministerii officium ordinaretur, sequenti modo adposuit: Ego Samuel Toperczer natus sum Leutschoviae anno Domini 1770., die 18. Augusti, patre Clarissimo doctissimoque viro Joanne Toperczero, Gymnasii A. C. Leutschoviensis inde ab an. 1756. usque 1804. munere Conrectoris feliciter functo; matre vero Sophia Elisabetha, nata Schmid. Prima cognitionis literarum fundamenta posui in schola urbis meae patriae instituente in Grammaticis Joanne Bogschio, in Syn- tacticis Samuele Kribelio. Studiis humanitatis ad Rhetoricam provectis iisque absolutis Sáros-Patakinum lingvae Hungaricae discendae causa me contuli, et exacto ibi semestri Leutscho- viain redii, ubi theologicis, philosophicis, mathematicis historicisque discipliniis docente Elia Chrasztina, Gymnasii tum temporis Rectore eruditissimo operam dedi. Anno deinde 1789. ad illustre Gymnasium Soproniense translatus viris clarissimis doctissimisque Jonathane Wietoris, Daniele Stanislaides, et Petro Raits per biennium sum usus praeceptoribus doctoribus- que; a quibus ad studia academica praeparatus universitatem Jenensern adii. Hic, in theologicis quidem celeberrimos viros Doederleinium, Griesbachium, Paulum Guilielmum Schmiedium et Hallerum; in philosophicisReinholdum, Erhardum, Schmiedium, Schillerum et Ulricum; in physicis mathematicisque Succovium, Voigtium; in philologicis, historicis aliisque scientiarum generibus Schützium, Henricum et alios audivi. Reduci in patriam munus paedagogi ab Excell. Illustr. L. B. Pronay est oblatum, quo duorum fere annorum spatio functus sum. Anno 1796. ad Conrectoratum Gymnasii Leutschoviensis cum patre communiter gerendum promotus, et a Cl. Gymnasii dicti Rectore Martino Liedemanno instituti paedagogici ab eo conditi membrum adscltus, hac provincia administranda octo annos explevi. Tandem anno 1804. ab ecclesia Nagy-Szalokiensi eique affiliata Uj-Lesznensi ad ministerium sacrum vocatus, per Summe Venerabilem Virum Sámuelem Nicolai, Districtus Cis et Trans- Tibiscani Superintendentem longe meritissimum Eperiessini d. 28. Augusti anni nunc dicti solemni inaugurationis ritu ad
