Fabó András: A magyar- és erdélyországi mind a két vallású evangelikusok okmánytára (Pest, 1869)
Okmányok
219 136. Bethlen István a szász papok tizede hehordása iránt intézkedik; Gyulafehérvár, jul. 21. 1620.. (Mandatum Stephani Bethlen quoad comportationem decimarum pastorum saxonicorum : 21.jid. 1620..) Stephaniis Bethlen de Iktar serenissimi domini domini Gabrielis Bethlen dei gratia regnorum Hungáriáé Transylvaniaeque principis intimus consiliarius ac comitatuum marmarosiensis et hunya- diensis perpetuus comes, necnon per Transylvaniam locumtenens. Generoso domino Francisco Balassi de Szent-Demeter, consiliario dicti domini domini principis et universarum transylvaniensium decimarum arendatori; item egregio domino Georgio Nagy de Igen, vicearendatori et decimatoribus quarumlibet sedium et districtuum saxonicorum modernis et futuris quoque pro tempore constituendis conjunctim, et aliis, quorum interest seu intererit, praesentium visuris salutem. Ex humillima supplicatione reverendorum virorum dominorum superintendentis, decanorum, seniorum ceterorumque ministrorum et parochorum universarum ecclesiarum saxonicarum, intelleximus; qualiter ipsi praeter omne jus in antiquis eorum usibus, privilegiis, induitis, libertatibus et immunitatibus, potissimum autem in comportatione ac accumulatione decimarum impedirentur, turbarentur ac molestarentur per modum, ut qnandocunque pro ritu antiquitus observato sortitione decimas ipsas sortirentur et dividerent, separarent et sequestrarent, decimas dominorum exponentium comportari nequaquam interea temporis, donec decimae serenissimi domini principis accumularentur, permittere velint, in praejudicium et damnum derogamenque ac vilipendium consvetudinis eorum antiquae manifestum. Volentes itaque eosdem in suis pristinis libertatibus, induitis et immunitatibus ac comportatione decimarum suarum, usu continuo ab ipsis observata et hactenus usurpata, illaese conservare et per nos conservari facere : dominationes vestras universas et singulas hortor benevole, quorum autem intererit, auctoritate functionis committo et mando firmiter, quatenus visis praesentibus, rebusque, sicut fertur, stantibus et se habentibus, universis et singulis annotatis dominis pastoribus, potissimum autem sedis saxo- nicalis medgyesiensis, post divisionem decimarum primitus fien- dam, statim suam quartam et decimas quarumlibet seminaturarum
